भांगरभूंय | प्रतिनिधी
जायते फावटीं वापरप्यांनी फेसबूक उगडटलो कांय स्पॅम पोस्ट येत रावतात, पूण फेसबूकांत एक खाशेलपण आसा हें जायत्या जाणांक खबर ना, ताच्या आदारान तुमी तुमच्या फीडाचेर नियंत्रण दवरूं येता.
१. सगळ्यांत पयलीं फेसबूक अॅप उगडचो पडटलो, मागीर वयल्या उजव्या वटेन आशिल्ल्या प्रोफायल पिक्चराचेर टॅप करचे पडटले.
२. प्रोफायल चित्राचेर टॅप केल्या उपरांत, मात्से सकयल स्क्रोल करचें आनी उपरांत सेटिंग्ज आनी गुप्तताय पर्यायाचेर क्लिक करचें पडटलें.
३. सेटिंग्ज आनी गुप्तताय पर्यायांत सेटिंग्जचेर क्लिक करात, मागीर थोडें सकयल स्क्रोल करात आनी प्राधान्य विभागांत वचात.
४. प्राधान्य विभागांत, तुमकां न्यूज फीडाचो पयलो पर्याय मेळटलो. न्यूज फीड पर्यायाचेर टॅप केल्या उपरांत तुमकां आवडीचें, स्नूझ, अनफॉलो, रीकनेक्ट आनी रिड्यूस अशे पांच वेगवेगळे पर्याय मेळटले.
५. रिड्यूस पर्याय क्लिक करून, तुमी कंटेंट फीड थांबवंक शकतात, जी तुमकां तुमच्या प्रोफायलाचेर उण्या दर्जाची सामुग्री, अपारंपरिक सामुग्री, संवेदनशील सामुग्री आदी दाखयतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
