भांगरभूंय | प्रतिनिधी
सुदिन ढवळीकारः उदकाचे टांकये खातीर बसयलो बुन्यादी फातर
भांगरभूंय । प्रतिनिधी
फोंडेः मडकय मतदारसंघांत सुरू आशिल्ल्या विवीध उदरगतीच्या कामांक लागून लोकांक त्रास सोंसच पडलो. लोकांक थाकाय दिवचे खातीर डिसेंबरांत भुंयगत वीज केबल घालपाचें काम पुराय करून फेब्रुवारी मेरेन मतदारसंघांतल्या सगळ्या रस्त्यांचें हॉटमिक्स करतले, अशें आस्वासन वीज मंत्री सुदिन ढवळीकार हांणी दिलें.
मडकय आनी कुंडय पंचायत वाटारांतलो उदकाचो प्रस्न सुटावो करचे खातीर एमक्यूब कंपनीच्या खर्चान उबारिल्ल्या उदकाचे टांकये खातीर बुन्यादी फातर बसोवपाचें कार्यावळींत मंत्री ढवळीकार उलयताले.
ह्या वेळार बांदकाम खात्याचे मुख्य अभियंता संतोष मापणी, सहाय्यक अभियंता यशवंत मापारी, काशिनाथ सराफ, जिल्हो पंचायत वांगडी दामोदर नायक, गणपत नायक, सरपंच सर्वेश जल्मी, शैलेंद्र पणजीकार, सुखानंद कुर्पासकार, आनी हेर पंच वांगडी हाजीर आशिल्ले. मडकय आनी कुंडय पंचायत वाठारांतल्या लोकांक गरजेची आशिल्ली उदका पुरवण फुडल्या एका वर्सां भितर सुरळीत जातली. तशेंच मतदारसंघांतल्या सगळ्या 6 पंचायत वाठारांतली पोरणी जाल्ली उदकाची पायपलायन बदलपाच्या कामाक रोखडीच सुरवात करतले, अशेंय मंत्री ढवळीकार हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
