भांगरभूंय | प्रतिनिधी
वॉशिंग्टन, खबरां संस्था: अमेरिकन सेंट्रल बँक फेडरल रिझर्व्ह हांणी बुधवार, १७ सप्टेंबराक व्याजदरांत २५ बेसीस पॉयंट्स (०.२५%) कपात करपाक शकता. हाचे उपरांत, व्याजदर ४% ते ४.२५% मजगतीं उरतले. हाका लागून अमेरिकेंतल्या म्हारगाय उणी जातली आनी रीण सवाय जातलें. तेन्नाच, भारतीय बाजारपेठेंत अमेरिकन लोकांची गुंतवणूक वाडपाक शकता.
फाटल्या वर्सा, फेडान सेगीत तीन फावटीं दर कपात केली – डिसेंबरांत ०.२५%, नोव्हेंबरां ०.५०% आनी सप्टेंबरांत ०.२५%. तेन्ना सावन, दर ४.२५% ते ४.५०% मजगतीं आसात. सप्टेंबर २०२४ वर्सा केल्ली कपात लागीं लागीं ४ वर्सांनी केली.
मार्च २०२० वर्सा उपरांत सप्टेंबर २०२४ वर्सा फेडान व्याजदर उणें केलें. म्हारगाय नियंत्रीत करपा खातीर, अमेरिकन सेंट्रल बँकेन मार्च २०२२ ते जुलय २०२३ मजगतीं ११ फावटीं व्याजदर वाडयलें.
बँको एकामेकांचें कितलें व्याज घेतले हें फेड रेट थारायता
बँको रातच्या रिणांचेर एकमेकांकडल्यान कितलें व्याज घेतलें हें संघीय दर थारायता. मात ताचो परिणाम जायते फावटीं गिरायक रीण, गृहरीण, क्रेडीट कार्ड आनी वाहन रिणाचेरूय जाता
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
