फॅमिली दोतोराच्या सोदांत…

भांगरभूंय | प्रतिनिधी

फॅमिली दोतोराचो म्हजो सोद चालूच आशिल्लो. पूण, एके सकाळीं म्हज्या जनेला वयल्यान, गळ्यांत स्टेथोस्कोप आनी हातांत बॅग घेवन एक सज्जन आमच्या घराचे वटेन येत आसताना पळयलें.

10 ऑगस्ट 2008
तुमी म्हज्या मोबायलाचेर कित्याक फोन केलो? म्हजे पेशंट लायनींत वाट पळवन बसल्यात; तुजें आयकुपाक म्हाका वेळ ना, आनी ताणें लायन कापली. हो स्फोट सुम्मीन सल्लो घेवपाक फोन केल्ल्या दोतोरा कडल्यान आशिल्लो. पंदरा दिसा फाटीं खाटीर न्हिदून आशिल्ले तिचे मांयक पळोवपाक तो दोतोर घरा आयिल्लो आनी आतां तिची साकर सामकी वाडिल्ली. सुम्मी एक साक्षर मनीस आनी साकरेच्या उतार- चढावाची जाण आशिल्ली बाय. तिच्या हातांत ताची प्रिस्क्रिप्शन आशिल्ली आनी ताचो वेळ तिणें 2 वा 3 सेकंदां परस चड घेतिल्लो ना हाची खात्री बाळगून आशिल्ली. पूण दोतोरान आयकूंचे पयलीच लायन कट केली. तिका राग आनी तणावान दुकां भरन व्हांवच्या लागलें. ती तेन्ना एकलीच, तिचो घरकार कामाचे वावरांत गोयां भायर आशिल्लों. तिका फकत कितले इन्सुलिन वाडंवक जाय इतलेंच विचारपाचे आशिल्ले.
तेन्ना सावन ती एक ‘फॅमिली दोतोर’ सोदपाक आतूर आसां, जो ह्या पिशें करपी, वेवसायीक गर्देंत ना जाला अशें तिका दिसता. तो पयशे जोडपाक व्यस्त आसा? की कामाक लागून व्यस्त आसा ती नकळ वा ह्या पयशे करचे पिश्यालें बाजारांत ना जाल्ल्ला की कितें? सामान्य मनशाक, गरज पडटा तेन्ना तो मेळना हाचीं कारणां खंयचींय आसूं.
ती जेन्ना फाटी वळून पळयता तेन्ना तिका भुरगेपणांत जाणटें आजो, आजी, बापुल्यो, काका, मामा आनी म्हत्वाचें म्हणल्यार भुरग्यांक पळोवपाक वळखीच्या फॅमिली दोतोरांच्यो भेटीची याद जाता, दोतोराची बॅग धरपाक कुटुंबांतलीं भुरगीं हांव- तुं म्हूण एकामेकां कडेन सर्त करतालीं तें दृश्य अजूनय तिच्या यादींनी कोरांतिल्लें आसा. 60-70 च्या दशकांतल्या हिंदी वा प्रादेशिक सिनेमांत लेगीत एक फॅमिली दोतोरालो पात्र आशिल्लो, एक कुटुंब दोतोर आपल्या दुयेंती कडेन धांवून खाटीर आशिल्ल्या दुयेंतीचेर उपचार करतालो. आधुनीक सिनेमांतूय आमकां तो मेळना! अफसोस! तो खंय गेलो?
तिचे घरांत 4 जाण्टे लोक आसात आनी दोतोराची सतत गरज भासता. कुटुंबांतलें एकूय भुरगो दोतोर जाल्लो ना ही खंत कायम तिका भासता. मनांत इत्सा आसली तरी तें फकत सपन जावन उरलें. एक कुटुंब म्हूण काळा वांगडा अक्षरशः तांणी जाण्टे आनी भुरग्यांक घेवन वेगवेगळ्या शारांनी स्थायीक जाल्यात. पूण केन्नाच तिका बरे दोतोर मेळपाक त्रास जाले ना. आतां बदलपी काळ, जिणे पद्दत आनी प्राधान्यांक लागून कोणाकूच वैयक्तीक लक्ष दिवपाक वेळ मेळना. ती म्हणटा की ती वेवसायाक दोश दिना, पूण बदलपी काळाक दिता..
फकत दोतोराच्या हाजिरेंतल्यान बरो जावपी दुयेंती आसात, दोतोराचे पळयतकीर एके तरेची मानसीक समाधान तांकां मेळटा. खास करून तिचे जाण्टे, तांका शेजारीच दोतोर आशिल्ले आनी ल्हान -सान दुयेतीक बी आपयताले आनी दोतोर बी येत्ताले. तो काळ वेगळो आसलो. वयस्कर लोकांक बदलती परिस्थितीची जाणीव जांवचीना. ल्हान- सान कारणांक लेगीत विचारत रावतात,‘दोतोराक आपय घरा’. काळ बदल्ला आनी आदल्या काळा सारकें दोतोर घरा येनात अशें अष्टब्धी जाल्ले आनी नव्वद पिरायेच्या लोकांक कशें पटवप? पूण एक बरो दोतोर, शेजारांतलो हो खूब गरजेचो. जाण्ट्यांक, दुखता वा जोर येता तेन्ना क्लिनिकांत व्हरून दोतोराक दाखोवपाची वाट पळोवंक मेळना. खाटीचेर बसून आशिल्ल्या दुयेंतीचें कितें? वैजकी मदत वेळार येना तेन्ना खरेंच भयानकच.
सुम्मी म्हणता कि तिका एक बरो दोतोर मेळ्ळो, बेंगळुरूंत, ताचें डायगनोसिस अचूक आशिल्लीं आनी ताका दुयेंतींचें सिम्टेमा वयल्यान कितें जालां तें कळतालें. घडये ताका लागूनच तांचें 50% दुयेंस बरे जातालें. ती ताचेर पुरायपणान आदारून आशिल्ली, खंयच्याय वेळार ताचो फोनाचेर सल्लो घेताली आनी अशे तरेन तिच्या जाण्ट्यां कडेन घरांत उपचार करताली. ताका लागून तिका व्हड सांत्वन मेळप.
खूब वरसाचे अणभव आशिल्ल्या लेगित तिका आनि तिचे घरकाराक तांचीं दुयेंसां खबर आसात आनी ते प्रमाण दोतोराचे प्रिस्क्रिप्शन मतींत दवरल्या आनी तें वखद दितात, आतां मेरेन इतलें बरें. आनीक पर्याय म्हणल्यार तांकां हॉस्पिटलांत दाखल करप, जाका लागून वर्सांन वर्सां तांची आनी घरच्यांली परिस्थिती वायट जायत आसपी.
फॅमिली दोतोराचो म्हजो सोद चालूच आशिल्लो. पूण, एके सकाळीं म्हज्या जनेला वयल्यान, गळ्यांत स्टेथोस्कोप आनी हातांत बॅग घेवन एक सज्जन आमच्या घराचे वटेन येत आसताना पळयलें. निमाणें! एक तरणाटो, हुशार, बुदवंत आनी सगळ्यांत म्हत्वाचें म्हणल्यार आमच्या शेजारांतलो ‘आमचो फेमिली दोतोर’ सोदून काडलो. अब्बा!! सुम्मीलें नंणदेले सुपर कॉन्टॅक्ट आनी सर्च सिस्टमांतल्यान ताका मेळवन दिल्ले खातीर आभार!
(‘सुम्मिले दिसपट्टीं’तल्यान)

सुषमा आरूर
9740399995