भांगरभूंय | प्रतिनिधी
वाॅशिंग्टन, खबरां संस्था ः फुडल्या 30 वर्सांत मंगळ गिऱ्याचेर मानवी वस्ती जातली असो अदमास एलॉन मस्क हांणी काडला. एलॉन मस्कहांणी म्हणलें, फुडल्या पांच वर्सांत मनीसबळ नाशिल्लें यान मंगळाचेर धाडटले. ते उपरांत 10 वर्सां मेरेन मनीस थंय पांय दवरतलो. फुडल्या 20 ते 30 वर्सांत थंय मानवी वस्ती जाल्ली आसतली.
खगोलशास्त्रज्ञांक मंगळा विशीं सदांच आवड आशिल्ली. नासाचो रोव्हर मंगळाचेर संशोधन करीत आसा. मंगळा वयली परिस्थिती मनशाक अनुकूल आसा अशें शास्त्रज्ञांचें मत आसा. देखून हांगा मानवी वस्ती करुं येता अशें म्हण्टात. एलॉन मस्क हांणी 2002 वर्सा स्पेसएक्साची थापणूक केली. आंतरराश्ट्रीय अंतरिक्ष केंद्राचेर मनीस व्हरपी ही पयली खाजगी कंपनी.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
