भांगरभूंय | प्रतिनिधी
पणजी : मुख्यमंत्री डॉ. प्रमोद सावंत हांणी ताळगांवां सयत गोंयचीय व्हडा प्रमाणांत उदरगत केल्या. फुडल्या कार्यकाळांतूय तेच मुख्यमंत्री आसपाक जाय, अशें ताळगांवची आमदार जेनिफर मोन्सेरात हांणी भाजप मेळाव्यांत म्हणलें.
मतदारसंघांत भारतीय जनता पक्षाचो मेळावो जालो. मुख्यमंत्री डॉ. प्रमोद सावंत, प्रदेश भाजप अध्यक्ष दामू नायक, पणजेचे आदले आमदार सिद्धार्थ कुंकळ्येंकार आनी हेर भाजपा कार्यकर्ते ह्या वेळार हजर आशिल्ले.
जुवारी न्हंयेवेलो पूल, मोपा विमानतळ, आयुश हॉस्पिटल अशें जायते प्रकल्प मुख्यमंत्री डॉ. प्रमोद सावंत हांच्या कार्यकाळांत पुराय जाल्यात. तरणाट्यांत रोजगार उपलब्ध जावपा खातीर मुख्यमंत्री कुशळ येवजण येवजना तशेंच हेर उपक्रमूय सुरू जाले. डबल इंजीन सरकाराच्या कार्यकाळांत गोंयां सयत देशाची नेटान उदरगत जाता. ताळगांवचो विचार केल्यार १३.२० कोटी रूपया खर्च करून रस्ते हॉटमिक्स केले. फुटबॉल मैदानाच्या उदरगती सयत हेर सगलीं कामां पुराय जातलीं. आमकां हाचे मुखार हेच मुख्यमंत्री जाय, अशें जेनिफर मोन्सेरात हांणी मेळाव्यांत सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
