भांगरभूंय | प्रतिनिधी
फिलिपाईन्स: फिलिपायन्सच्या एका जुंव्यार उजो लागून १००० घरां लासलीं. हाका लागून हजारांनी लोक रस्त्यार आयले. हो उजो मंगळारा रातीं बोंगाओ ह्या जुंव्यार आशिल्ल्या शारांत लागली. फिलिपायन्सच्या दक्षिणेकडल्या ह्या जुंव्यावेले खुबशे नागरीक बेघर जाले.
दर्याकडल्या येवपी वार्याक लागून ह्या उज्यान आनीक पेट घेतलो. कांय खिणांतूच ह्या उज्यान रौद्ररूप धारण केलें आनी जुंव्यावेलीं घरां, वस्ती लासून गोबोर जालीं. हातूंत वट्ट ५००० परस चड नागरिकांची घरां पेटिल्ल्यान ताचें व्हड लुकसाण जालें. तशेंच ह्या जुंव्यावेल्या नागरिकांक सुरक्षीत थळार हालयले. वार्याक लागून लागिल्लो उजो घरांतल्या वस्तूंक लागून आनीक पेटलो. ह्या उज्याचे व्हिडियो व्हायरल जाल्यात आनी तातूंत घरांचें बरेंच लुकसाण जाल्ल्याचें दिसता.
मंगळारा रातीं १० वरांचेर हो उजो लागिल्लो. दुसरे दीस सकाळीं २ मेरेन ह्या उज्याचेर नियंत्रण मेळोवपाक येस आयलें. उजो लागतांचो नागरिकां मदी बरोच बोवाळ जालो. मेळटा त्या रस्त्यान लोकांनी घरांतल्यान पळ काडून आपलो जीव वाटायलो.
फिलिपायन्सच्या पुलिसांनी रेस्न्यू ऑपरेशन स्थापन करून थळाव्यांक सुरक्षीत सुवातेर हालयले. सध्या संबंदीत अधिकारी हो उजो कसो लागलो हाचो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
