भांगरभूंय | प्रतिनिधी
चंद्र येतलो पृथ्वीक तेंकून
भांगरभूंय । खबरां संस्था
मुंबय : चंद्र सदांच आपल्या बदलपी रुपाचें दर्शन घडयतूच आसता. अशेंच 1 ऑगस्टाक रातचें आनी 2 ऑगस्टाक फांतोडेर मळबांत ‘सुपरमून’ पळोवपाक मेळटलो. फाल्यां चंद्र आनीक मोठो आनी चड चकचकी अश्या आगळ्या वेगळ्या रुपांत पळोवपाक मेळटलो, अशी म्हायती अकोल्याच्या विश्वभारती केंद्राचे संचालक प्रभाकर दोड हांणी दिली.
चंद्र धर्तरे पसून तीन लाख 57 हजार कि. मी. अंतराचेर आशिल्ल्यान चंद्रबींब आकारान मात्शें व्हड आनी चड लिकलिकीत दिसतलें. हरशीं चंद्र धर्तरे पसून तीन लाख 84 हजार किलोमीटर अंतराचेर आसता. पृथ्वीच्या लागसारा येवपी चंद्र ‘सुपरमून’ म्हणून वळखतात. चंद्र पृथ्वीक सारको लागीं आशिल्ल्यान मळबांत तो वेगान म्हळ्यार 12 अंश पूर्व दिकेन वता. पूण प्रत्यक्षांत चंद्र पश्चीमेक वता कसो दिसता. हाचें कारण म्हळ्यार पृथ्वी स्वता भोंवतणी पश्चीमे कडल्यान पुर्वेक घुंवताता अशें दोड हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
