भांगरभूंय | प्रतिनिधी
भांगरभूंय । प्रतिनिधी
पणजी : विधानसभेचें अर्थसंकल्पी अधिवेशन फाल्यां शक्रारा सावन सुरू जाता. 27 मार्च मेरेन चलपी ह्या अधिवेशनांत फाल्यां पयलेच दिसा मुख्यमंत्री डॉ. प्रमोद सावंत हे 2026 – 27 अर्थीक वर्साचो अर्थसंकल्प सादर करतले. अर्थसंकल्प जनताभिमुख आनी राज्याच्या हेताचो आसतलो, अशें मुख्यमंत्री डॉ. सावंत हांणी स्पश्ट केलां.
फाल्यां पयले दिसा प्रस्नोत्तर सत्रान अधिवेशनाक सुरवात जातली. हाचे उपरांत दनपारां डॉ. सावंत हे सभाघरांत अर्थसंकल्प सादर करतलें. फुडले वर्सा विधानसभा वेंचणूक जावपाची आशिल्ल्यान तांच्या कार्यकाळांतलो हो निमणो अर्थसंकल्प. तांणी सेगीत अर्थसंकल्प मांडपाची ही सातवी खेप. फुडले वर्सा वेंचणूक आशिल्ल्यान अर्थसंकल्पांत येवजणेंची खैरात आसतली, अशी आस्त आसा.
अर्थसंकल्प मांडल्या उपरांत अधिवेशनांत फुडले दोन दीस अर्थसंकल्पाचेर चर्चा जातली. उपरांत खात्यांच्या मागण्यांचेर चर्चा जातली. अधिवेशनाच्या निमाणे दिसा मुख्यमंत्री विनियोग विधेयक सादर करतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
