भांगरभूंय | प्रतिनिधी
पणजीः कोंकणीकवी आनी नाटककार प्राचार्य डॉ. राजय पवार हांच्या ‘आजोळ आल्बम’ ह्या कवितासंग्रहाचें शेनवारा 4 नोव्हेंबराक मंगळुरूंत जावपी 25 व्या अखील भारतीय कोंकणीसाहित्य संमेलनांत लोकार्पण जातलें.
डॉ.राजय पवार हांचो ‘पावसफुला’ हो पयलो कविता संग्रह 1995 वर्सा उजवाडा आयिल्लो. त्याउपरांत सुमार 17 वर्सांनी हो तांचो दुसरो कविता संग्रह वाचकांचे भेटेक येता.मजगतीं तांची नाटक, निबंद,बाल साहित्य, समिक्षा आदीं साहित्यप्रकारांतलीं पुस्तकां प्रकाशीत जाल्यांत.
तांचींसाबार गीतां शान, शंकरमहादेवन, कुणाल गांजावाला, अनुराधा पौडवाल,साधना सरगम ह्या सारका गायकांनी गायल्यांत. डॉ. पवार हांणीरंगमाचयेरूय एक कलाकार म्हूण योगदान दिलां. तांचें साहित्य शालेय पांवड्या सावनपदव्युत्तर पावंड्या मेरेनच्या अभ्यासक्रमांत आस्पावीत जालां. एक विद्यार्थीप्रीयशिक्षक म्हूण तांची वळख आसा. कोंकणी सिनेमाच्या मळारूय तांणी कलाकार, गीतकार, संवाद लेखक म्हूण आपलें योगदान दिलां
तांकां आजवेर कोंकणीभाशा मंडळ, गोवा कोंकणी अकादेमी, कला आनी संस्कृती संचालनालयहांचे राज्य पांवंड्या वयले पुरस्कार जाल्यार कविता ट्रस्ट मंगळूर आनी भारतीय भाशापरिशद, कोलकाता हांचे राष्ट्रीय पुरस्कार फावो जाल्यात.कोंकणी कवितेचेर पयली वयली पी.एच. डी. करपाचें श्रेय तांच्या वांट्याक वता. कोंकणीभाशेंत गजल लेखन करून तांचें सादरीकरण पुणें, मुंबय, नागपूर आदीं वाठारांनी तांणी केलां.
मंगळुरुच्या विश्वकोंकणी केंद्रांत जावपी 25 व्या अ. भा. कों. सा. संमेलनांत उदयन वाजपेयी हांचेहस्तुकीं डॉ. पवार हांच्या ‘आजोळ आल्बम’ ह्या संग्रहाचें प्रकाशन जातलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
