भांगरभूंय | प्रतिनिधी
नवी दिल्ली, खबरां संस्था: अमेरिकेच्या सरकारान भारतांतल्यान जावपी आयातीचेर २५ टक्के अतिरिक्त कर लादपाची अधिकृत अधिसुचोवणी जारी केल्या. हो दंड कर २७ ऑगस्ट सावन भारतीय वेळा प्रमाण रातच्या १२:०१ (इएसटी) वरांचेर (अमेरिकेचो वेळ सकाळचीं ९:३१ वरां) लागू जातलो.
रशिया कडल्यान तेल विकत घेतिल्ले खातीर दंड म्हणून राष्ट्राध्यक्ष डोनाल्ड ट्रम्प हांणी ह्या म्हयन्यांत हो कर जाहीर केल्लो. ह्यान पयलीं अमेरिकेन वेपारी तूट आशिल्ल्याचें कारण दिवन भारताचेर २५% कर लादिल्लो. म्हणजेच भारतीय वस्तूंवेलो कर ५०% मेरेन वाडला.
गृह सुरक्षा विभागान जारी केल्ले अधिसुचवणेंत म्हणलां, नवें शुल्क रशियन फेडरेशनाच्या सरकारान अमेरिकेक दिल्ल्या धमक्यांक प्रतिसाद म्हणून आसा. त्या धोरणांचो एक भाग म्हणून भारताक लक्ष्य करता.
तातूंत अशें बरयलां, ’ह्य दस्तावेजाच्या परिशिश्टांत नमूद केल्लें दर २७ ऑगस्ट २०२५ दिसा आदले वेळे प्रमाण १२:०१ वरांचेर वा ताचे उपरांत वापरपा खातीर गुदांवांतल्यान भारतांतल्यान हाडिल्ल्या वा वापरा खातीर काडिल्ल्या उत्पादनांचे बाबतींत प्रभावी आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
