भांगरभूंय | प्रतिनिधी
भांगरभूंयः खबरां मेज
पणजीः फातर्पं एज्युकेशन सोसायटीच्या क्रुझिनो डिकॉस्ता प्राथमीक विद्यालय, गोविंद देसाय स्कूल आनी देवप्पा देसाय हायस्कुलांत स्वातंत्र्य दीस उमेदीन मनयलो. मुखेल सोयरी म्हणून धावेचे परिक्षेंत 92 टक्के गुण मेळोवन हायस्कुलांत पयलें आयिल्लें आदली विद्यार्थिनी गौरी देसाय, तिचे पलाक विनय देसाय आनी सुजाता देसाय, मुख्याध्यापिका मंगला देसाय आनी संस्थेचो भांडारी अनिल फळदेसाय, विजय फळदेसाय आनी विठोबा वेळीप आशिल्ले.
गौरी देसाय हिचे हस्तुकीं ध्वजारोहण जालें. मानेस्तांचें हस्तुकीं नॅशन फर्स्ट, आॉलवेज फर्स्ट ह्या वण्टी पत्रकाचें अनावरण जालें. मंगला देसायान येवकार दिलो, बरें शिक्षण घेवंन देशाचें नांव वयर काडपे ही आमची लागणूक आसा अशें गौरी देसायान सांगलें. पुर्वंश नायक आनी वेदांत वेर्णेकार हांची ह्या वेळार भाशणा जाली. जून तें ऑगस्ट मेरेन घेतिल्ल्या देशभक्ती गीत गायन, पोस्टर तयार करप, नाच आनी भेसवण सर्तीतल्या जैतिवंतांक मानेस्तांचे हस्तुकीं इनामां दिली. सूत्रसंचालन नेहा फळदेसाय आनी नीरजा गाडगीळ हांणी केलें. शिक्षक सतेंद्र वेळीप हाणे घोशणा दिल्यो आनी कार्यावळीचो समारोप केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
