भांगरभूंय | प्रतिनिधी
भांगरभूंय । प्रतिनिधी
पणजीः जानेवारी 2019 तें 30 जून 2022 ह्या साडेतीन वर्सांत राज्यांतल्या सबरजिस्टार कार्यालयांनी भूखंड, प्लॅट, घरां आनी हेर मालमत्तेच्या विक्रीचीं 1,56,474 सेल डिडांची नोंदणी केल्या अशी म्हायती कायदो मंत्री नीलेश काब्राल हांणी राज्य विधानसभेंत लेखी जापेंत दिल्या. कळंगुटेचो आमदार हे विशीं प्रश्न विचारिल्लो.
सगल्यांत चड 40,135 सेल डिडां मडगांवच्या रजिस्टार कार्यालयांत केल्यांत. बार्देश तालुक्यांत 36,293, तिसवाडी तालुक्यांत 17,524, फोडें तालुक्यांत 17,472, मुरगांव तालुक्यांत 11,409, दिवचल तालुक्यांत 9,678, पेडणे तालुक्यांत 8,056, केंपें तालुक्यांत 6,640 सत्तरी तालुक्यांत 3,809, सांगें तालुक्यांत 2,230, काणकोण तालुक्यांत 2,230 आनी धारबांदोडें तालुक्यात 1,057 सेल डिडां केल्यांत.
सेल डिडां करपी 1,52,602 भारतीय नागरीक आसात. तसेंच कॅनेडियन (584), ब्रिटिश (954), अमेरिकन (474), ऑस्ट्रेलियन (211), केनियन (21), स्विडीश (1), पोर्तुगीज (1,404), जर्मन आनी हेर विदेशी (121) लोकांचो सेल डिडां करप्यां मदीं आसपाव आसा अशी म्हायती काब्राल हांणी दिल्या.
जमीन हडप करून केल्ल्या सेल डिडांची म्हायती विशेश तपास पंगडा वतीन चल्ल्या अशें कायदो मंत्र्यांनी लेखी जापेंत सांगलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
