भांगरभूंय | प्रतिनिधी
पणजीः फाटल्या दोन दिसांत पणजेचें चडांत चड तापमान तुळेन उणें जालां. पूण चडशा सुवातींनी तापमान वाडत रावलें. शेनवारा पणजी आनी मुरुगांवां चडांत चड तापमान 36 अंश सेल्सियस आशिल्लें. फुडले दोन दीस राज्यांत चडांत चड तापमान 35 ते 37 अंश सेल्सियस मदीं उरपाची शक्यताय आसा. 2 ते 3 मार्च ह्या काळांत राज्यांत उश्ण आनी दमट हवामानाची शक्यताय हवामान खात्यान उक्तायल्या.
शेनवारा राज्यांतल्या चडशा वाठारांनी खर उश्णताय चालूच उरली. हवामान खात्याच्या स्वयंचलीत केंद्राच्या नोंदी प्रमाण साळगांवां चडांत चड तापमान 37.2 अंश, पेडणें 37.2 अंश, मोपा 37.3 अंश नोंद जालां. म्हापश्यां उण्यांत उणें तापमान 21.2 अंश, साळगांवां 23.3 अंश, पोरणें गोंया 28.1 अंश आनी मोपा 24.3 अंश नोंद जाला.
शेनवारा पणजेंत उण्यांत उणें तापमान 23 अंश आनी मुरगांवां 22.8 अंश आशिल्लें. फुडल्या कांय दिसांनी उण्यांत उणें तापमान 23 अंश सेल्सियस मेरेन उणें उरपाची शक्यताय आसा असो अदमास हवामान खात्यान उक्तायला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
