भांगरभूंय | प्रतिनिधी
दोगां दुबावितांक अटक; फोंडें पुलिशेची कारवाय
भांगरभूंय । प्रतिनिधी
फोंडें: फोंडें पुलिसांनी फर्मागुडी वाठारांत मंगळारा रातच्या 12.30 वरांच्या सुमाराक धाड घालून 14 लाख 52 हजार 100 रुपयांचो एमडीएमए ड्रग्स जप्त केलो. ह्या प्रकरणांत बुधाराम बिष्णोई (56, राजस्थान) आनी जगदीश बिष्णोई (46, राजस्थान) हांकां अटक केली. हे धाडींत पुलिसांक तांचे कडेन 145.21 ग्राम एमडीएमए ड्रग्स सांपडलो.
पुलिसांनी दिल्ले म्हायती प्रमाण मंगळारा राती वेळार ड्रग्साची तस्करी करचे खातीर दुबावीत येवपाचे आसात, अशी म्हायती मेळिल्ली. ते प्रमाण रातच्या 12.30 वरांच्या सुमाराक एका हॉटेला लागसार धाड घालून पुलिसांनी दुबावितांक ड्रग्सा सयत ताब्यांत घेतले. फोंडें पुलीस स्टेशनाचे निरिक्षक विजयकुमार चोडणकार हांच्या मार्गदर्शना खाला उपनिरिक्षक आदित्य नायक गांवकार, हवालदार केदार जल्मी, आदित्य नायक, सुरज गावडे, अमेय गोसावी आनी किरण लोंढे हांणी कारवायेंत वांटो घेतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
