भांगरभूंय | प्रतिनिधी
संवसारीक टी-20 क्रिकेट सर्तींत न्युझिलॅण्डाच्या ल्यॉकी फर्ग्युसनान पापुआ न्यू गिनी (पीएनजी) आड जबरदस्त बॉलींग करून संवसारीक विक्रमा कडेन बरोबरी केली.
ताणें 4-4-0-3 असो स्पेल घालो. म्हणल्यार ताणें चार ओव्हरींनी एकूय धांवडी दिनासतना 3 विकेटी घेतल्यो. संवसारीक टी-20 क्रिकेट सर्तींत असो पराक्रम करपी फर्ग्युसन हो पयलोच बॉलर थारलो. संवसारीक सर्तीच्या इतिहासांत ही सगल्यांत इकॉनॉमीकल स्पेल थारलो. आंतरराष्ट्रीय टी-20 क्रिकेटींत अशें करपी तो संवसारांतलो दुसरो बॉलर थारलो. ताचे आदीं कॅनडाच्या साद बिन जाफरान 2021त पनामा आड चारूय ओव्हरी मॅडन घालून 2 विकेटी घेतिल्ल्यो.
मजगतीं, पीएनजीचो डाव 19.4 ओव्हरींनी 78 धांवड्यो केल्यो. ताच्या चार्लीस अमिनी हाणें सगल्यांत चड 17 धांवड्यो केल्यो. ताच्या सात बॅट्समनांक दोट्टी आंकडो लेगीत हुपपाक जमलो ना.
मजगतीं, सुपर आठाचे दिश्टीन हे मॅचीक म्हत्व ना. दोनूय पंगडांचें आव्हान पयलींच सोंपलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
