भांगरभूंय | प्रतिनिधी
वास्को: बडयेक च्विंगम लावन एका देवळांतले फंडपेटयेंतले पयशे काडपी तीग नेण्ट्या भुरग्यांक पुलिसांच्या ताब्यांत गेले. त्या तिगांकूय समजावन सोडले. तांच्या पालकांकूय योग्य समज दिवन तांचे कडल्यान हमी घेतली. पालकांनी आपल्या भुरग्यां कडेन योग्य लक्ष दिवपाची गरज समाजीक कार्यकर्ती तारा केरकार हांणी उक्तायली. भुरगीं हाता भायर वयचे पयलींच तांकां समजावन तांचेर लक्ष दिवपाचो उलो तिणें मारलो.
हे विशीं चड म्हायती प्रमाण, हांगच्या एका भागांतल्या देवळांतले फंडपेटयेंतले पयशे कोण तरी काडिल्ल्याचें संबंदीत देवळाच्या वेवस्थापनाच्या लक्षांत आयलें. हाचेर पाळत दवरले उपरांत तीन भुरगे एक बडयेक च्विंगम लावन फंडपेटयेंतल्यान पयशे काडटना दिसले. तांकां ताब्यांत घेतले उपरांत, तांणी आपली चुकीची कबुली दिली. इकरा-बारा वर्सां पिरायेच्या ह्या भुरग्यांक पुलिसांच्या ताब्यांत दिले उपरांत तांणी आपली चूक मान्य केली. पुलिसांच्या ताब्यांत दिले उपरांत तांच्या पालकांक तशें समाजीक कार्यकर्त्या तारा केरकार हांकां आपयली. ह्या वेळार एका भुरग्याच्या पालकान वयल्या वयर जापो दिल्यो. तेन्ना ताका, भुरग्यां कडेन लक्ष दियात. तीं कितें करतात. तांचे कडेन खावपाक वा खंयचीय वस्त विकत घेवपाक पयशे खंयच्यान आयले हाची तांचे कडेन चवकशी करात असो सल्लो तारा केरकार हांणी पालकांक दिलो.
त्या भुरग्यांक समुपदेशन केलें. तांकां फुडले कारवायेची जाणीव करून दिली. त्या भुरग्यांनी आनी पालकांनी आपली चूक कबूल केली. भुरग्यांक समुपदेशन केलें. तांकां फुडले कारवायेची जाणीव करून दिली. त्या भुरग्यांनी आनी तांच्या पालकांनी आपली चूक कबूल करून फुडाराक असो प्रकार जावचो ना हे विशीं हमी दिली. उपरांत योग्य सोपस्कारा उपरांत त्या भुरग्यांक पालकांचे सुवादीन केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
