भांगरभूंय | प्रतिनिधी
बावलेक खूबच खोस जाली. तिका राणयेचो अभिमान दिसलो. रानां सांबाळया..प्लास्टीक वापरप ना. केदी व्हड कांमां. सगल्यांच्या बऱ्यांचे चिंतप. फुडार घडोवप. भुरग्यांक दिवाळेची सुटी पडल्या. रायन, शायना, रवी, रमेश, परेश, प्रणव सगली एक जालीं.
“स्टिलाचें टिफीन घेवंक सांगतलें” शायनान म्हणलें.
“हांवय सांगतलो” प्रणवान म्हणलें.
“आमी सगलीं अशेंच करुंया”.
“सगलें स्टिलाचें वापरुया”.
“उदकाची बाटली स्टिलाची व्हरुंया “. प्रणव, शायना, रायन उलयलीं.
“हय, हय” सगल्यांनी म्हणलें.
“स्टिलाच्या ल्हान बॉक्सांत रबर,पेन्सिली घालुया”, रेवा उलयलें.
“आमचें बाय, म्हणल्यार बाय आज्जी बऱ्यो कपड्याच्यो पोतयो शिंवता”.
“ल्हानय पोतयो करता” सर्वेशान म्हणलें.
‘मम्मा पप्पाक त्यो पोतयो विकत्यो घेवंक सांगुया” रायनान म्हणलें. सगल्याकुच खोस जाली. बावली तर सामकी नाचुंक लागली.
“फकत आमीच न्हय, शाळेंतल्या सगल्या इश्ट, इश्टीणींकुय सांगुया.
” मांडणी बरी आसा” रायनान म्हणलें.
शाळां शाळांनी, घरां घरांनी वचून सगल्या इश्टाक सांगुया.
स्टिलाचीं टिफीनां, कपड्याच्यो पोतयो.
“म्हणल्यार बाजारांतलें प्लास्टीक ल्हवु ल्हवु बंद करुन वडोवया”, परेश मोट्यान आड्डलो.
“राणयेक ही खबर कळोवया”.
माकोडमामाच्या कांनार घालुया.” बावलेन म्हणलें. बावलेन जनेलार उडकी मारली, भायर भिरमुट्यो भरिल्ल्यो.
“ह्या दिसांनी खूब भिरमुट्यो शेता कडेन दिसतात, पळयल्यात तुमी?”
“हय तर” भुरगीं आड्डलीं. बावलेन भिरमुट्यांक रकाद दी म्हणलो. भिरमुट्यांनी म्होंवामुसांक सांगलें. म्होंवामूस उडले….विमाना कशीं…..रकाद पावयलो”.बावली हांसली.
शाब्बास!!!! भुरगीं नाचपाक लागलीं. कांय जाणांनी शिळोणी मारली, शिटयो मारल्यो. बरोच बोवाळ घालो.
“फकत स्टील आनी कपड्याच्यो पोतयो”.
” हय…हय.”..फकत स्टील” …रायन आड्डलो.
“फकत कपड्याच्यो पोतयो”. सर्वेशान म्हणलें.
” शाळेंत येतल्या कांय भुरग्यांक जमना तांकां स्टिलाची टिफीना कपड्याच्यो पोतयो फुकट दिवपाचे यत्न करप”
“कोण दितलो?” रायनान विचारलें.
” मम्मा, पप्पा आज उलयताली… शायनान सांगलें.
“भांगरभूंय दिसाळें छापता ते अशीं कितलीशीच बरीं कामां करतात.”
मम्मा, पप्पाक प्रिन्सीपल सराकूय सांगपाक लायल्यार कशे?” शायनान म्हणलें. कोण तरी सारकें समजुवपी जाय.
” तांकां सांगतलो कोण…..?”
“आमच्या मम्मा, पप्पाक, सराक सांगपाक लावया” सगलीं भुरगीं मोट्या मोट्यान आड्डलीं.
परत मेळुया……उलोवया…. सुटयेत मजाय करुया.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
