भांगरभूंय | प्रतिनिधी
खबरां संस्था
लंडनः भारतीय हॉकी पंगडाक ग्रेट ब्रिटना कडल्यान 2-4 गोलांनी हार खावची पडली. आंतरराष्ट्रीय हॉकी फेडरेशनान ही सर्त आयोजीत केल्या. एक दिसा पयलीं भारतीय पंगडाक बेल्जियमा कडल्यान 2-1 अशी हार खावची पडल्ली.
भारताची ही सेगीत दुसरी हार आसा. 6व्या मिनटाक तिमोथीन ब्रिटनाचें खातें उगडले, मात सात मिनटां उपरांत हरमनप्रीतान पेनल्टी कॉर्नराचेर बोरोबोरी केली.
31व्या मिनटाक सोर्बी थॉमसान ब्रिटनाचो दुसरो गोल केलो. दोन मिनटां उपरांत ली मार्टनान ब्रिटनाची आघाडी 3-1 अशी वाडयली. परत एक फावट हरमनप्रीतान पेनल्टी कॉर्नराचेर (42व्या मिनटाक) गोल केलो. आतां हरमनप्रीताचो प्रो लिगांतले 35 गोल जाल्यात. निकोर्सान 53व्या मिनटाक ब्रिटनाचो चवथो गोल केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
