भांगरभूंय | प्रतिनिधी
पणजी : इन्स्टिट्यूट ऑफ पब्लीक असिस्टन्सांत (प्रोव्हेदोरिया) ६६ पदांची भरती करतले. हातुंतलीं सगल्यांत चड २१ पदां हीं केअर टेकरचीं आसात. जाल्यार १४ पदां जेवण करप्याचीं आसात. इत्सुकांनी १३ नोव्हेंबराक दनपरां ३ वरां पयलीं अर्ज भरप गरजेचें. अर्ज www.ipagoa.org.in ह्या संकेत थळार उपलब्ध आसात. सगल्या पदां खातीर चडांत चड मर्यादा ४५ वर्सां आसात. तशेंच उमेदवारां कडेन १५ वर्सांची लिवींग सर्टीफिकेट आसप गरजेचें.
प्रोव्हेदोरियांत एमटीएसचीं १०, एलडीसीचीं १०, सहाय्यक नर्सीचीं ८, सहाय्यक स्टुअर्डचीं ३ पदां भरतले. केअर टेकर पदां खातीर उमेदवार १० वी पास वा आयटीआयच्यान समतोल्य अभ्यासक्रम केल्लो आसप गरजेचें. तशेंच मान्यताय मेळिल्ले सरकारी संस्थेंतल्यान स म्हयन्याचो होम नर्सींग कोर्स तशेंच स म्हयन्यांचो कामाचो अणभव आसप गरजेचें. केअर टेकराच्या वट्ट २१ पदां मदलीं १० आरक्षीत आसात.
जेवण रांदपी (कुक) खातीरचीं १४ मदलीं ६ पदां आरक्षीत आसतलीं. हे खातीर १० वी पास वा आयटीआय अभ्यासक्रम तेच स म्हयन्यांचाी प्रमाणपत्र कोर्स तशेंच स म्हयन्यांचो कामाचो अणभव आसप गरजेचें. एमटीएस पदां खातीर १० पास वा आयटीआय अभ्यासक्रम केल्लें आसप गरजेचें. एलडीसीचीं १० मदलीं ६ पदां आरक्षीत आसतलीं. हे खातीर १२वी पास आनी कॉम्प्युटराचें गिन्यान आसप गरजेचें.
सहाय्यक नर्स पदा खातीर १२ वी पास, मिडवायफरी नर्स कोर्स केल्लो आसप गरजेचें. हातुंतलीं ८ मदलीं ४ पदां आरक्षीत आसात. सहाय्यक स्टुअर्डच्या पदा खातीर १२वी पास वा समतुल्य पात्रताय, कॉम्पुटराचें ज्ञान तशेंच एका वर्साचो फील्ड वर्कर म्हणून अणभव आसप गरजेचें. एमटीएस आनी केअरटेकराच्या पदार निवड जाल्ल्या मनशाक हांतरुणाचेर आशिल्ले रावपी जाण्ट्यांची सेवा करप गरजेचें. फकत पात्र आशिल्ल्या उमेदवारांनी अर्ज करचे असो उलो इन्स्टिट्यूट ऑफ पब्लीक असिस्टन्सान मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
