भांगरभूंय | प्रतिनिधी
भांगरभूंय । प्रतिनिधी
म्हापशेंः प्रिया मिशाळ हिणे बिरेस्तारा म्हापशें पालिका मंडळ नगराध्यक्षपदाचो राजिनामो दिलो. सत्ताधारी गटांत केल्ल्या अलिखीत कबलाती प्रमाण मिशाळ हिणे आपलो एक वर्साचो कार्यकाळ सोपल्या उपरांत व्हो राजिनामो दिलो अशी खबर आसा.
फुडल्या कांय दिसांत उपनगराध्यक्ष विराज फडके लेगीत राजिनामो दितलो आनी नगराध्यक्षपदार नूतन बिचोलकार आनी उपनगराध्यक्षपदार सुशांत हरमलकहाची निवड करतले. तांच्या नांवार सत्ताधारी गटान तांच्या नांवाक मान्यताय दिल्या. सत्ताधारी गटांतल्या नगरसेवकांची बुधवारा सचिवालयांतल्या उपसभापती जोशुआ डिसोझा हांच्या कॅबिनांत बसका जाली. डिसोझा हाचे सूचोवणे वयल्यन प्रिया मिशाळ हिणे राजिनामो दिवपाचो निर्णय घेतलो. बसकेंक सत्ताधारी पंगडांतल्या 14 जाणांतले 11 नगरसेवक हाजीर आशिल्ले.
आमदार आनी उपसभापती जोशुआ डिसोझान विस्वासान म्हजेर नगराध्यक्ष म्हणून काम करपाची जापसालदारी दिल्ली. पदाक न्याय दिवपाचो यत्न हावें केलो. म्हापशेंकाराची सेवा करपाची संद म्हाका मेळ्ळी व्हो म्हजे खातीर व्हडलो मान आसा अशें प्रिया मिशाळ हिणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
