भांगरभूंय | प्रतिनिधी
भांगरभूंय । खबरां मेज
पणजीः गोंय कला म्हाविद्यालयाचे आदले प्राध्यापक शशिकांत रामा बोरकार (83) हांका बंदिवडे हांगच्या शांतीवन निवास प्रकल्पांतल्या फ्लॅटांत शुक्रारा दनपारां मरण आयलें. फाटलीं कांय वर्सां सांवन तांकां मूत्रपिंडाचें दुयेंस आशिल्लें. शुक्राराक सांजे बंदिवडेच्या मसंणभुयेंत तांचे कुडीचेर निमणे संस्कार केले. तांची घरकान्न प्रकाशिनी हिणे आपल्या घोवाक मंत्राग्नी दिलो.
मूळ म्हार्दोळचे शशिकांत बोरकार गोंय कला म्हाविद्यालय सुरू जाल्लें तेन्ना थंय फायन आर्टाचे प्राध्यापक आशिल्ले. 2002 वर्सा ते निवृत्त जाल्ले. नामनेचे ऑर्गनवादक पद्मश्री सर्गेस्त तुळशीदास बोरकार हाचें ते साडू तशेंच नामनेचे गोंयकार नाट्यकर्मी सर्गेस्त किशोर बोरकाराचे आतेभाव जाल्यार नामनेचे सतारवादक सर्गेस्त योगराज बोरकार, शास्त्रीय गायिका प्रचला आमोणकार आनी सतारवादक पुनम बुधोळकार हांचे ते काका आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.