भांगरभूंय | प्रतिनिधी
वट्ट 60 गुन्यांव नोंद, सुण्यांचो छळ करुन तांची हत्या
लंडन, खबरां संस्था ः नामनेचे प्राणीशास्त्रज्ञ ॲडम ब्रिटन हाणें भयानक आनी धक्को दिवपी कृत्य केल्ल्याचे उक्तें जालां. हाका लागून आतां न्यायालयान ताका 249 वर्सां बंदखणीची ख्यास्त फर्मायल्या. ताचे आड जनावरांचेर अत्याचार केल्ल्याचे वट्ट 60 गुन्यांव नोंद जाल्यात. तांतूत 42 सुण्यांचो छळ करुन तांची हत्या केल्ल्याचो आरोप तांचेर आसा. इतलेंच न्हय तर ताणें ह्या कृत्याचे व्हिडियो रेकॉर्डिंगय केल्लें.
यूकेंतल्या मिरर ह्या दिसाळ्यांन दिल्ले खबरा प्रमाण, सुण्यांचेर बलात्कार, छळ आनी सुण्यांचो खून करपाचो आरोप ब्रिटन हांचेर आसा आनी ताका ऑस्ट्रेलियांत 249 वर्सां बंदखणीची ख्यास्त फर्मायल्या. फाटल्या वर्सा 60 प्रकरणांनी ताका दोशी थारायिल्लो.
प्रकरण कितें?
एबीसीच्या म्हणण्या प्रमाण, प्राणीशास्त्रज्ञ ॲडम ब्रिटनान ऑस्ट्रेलियांतल्या डार्विन शांरांतल्या आपल्या घरांत सुण्यांचें छळ शिबिर उबारिल्लें. ह्या शिबिरांत तो सुण्यांक क्रूरपणान त्रास दितालो आनी तांकां मारतालो. तशेंच ह्या विकृतीयेचें व्हिडियो रेकॉर्डिंगय ताणें केलें. तशेंच ताणें हें शिबिर एका शिपिंग कंटेनरांत उबारिल्लें. थंय तो सुण्यांचो छळ करतालो अशें म्हणटात.
249 वर्सांची ख्यास्त कशी मेळटली?
प्राणीशास्त्रज्ञ ब्रिटन हो मानग्यांचो तज्ञ अशें म्हण्टात. ताचेर जनावरांचेर अत्याचार केल्ल्याचे 8 गुन्यांव नोंद आसात. जांतूत ताका दरेकी तीन वर्सां बंदखणीची ख्यास्त जावंक शकता. भुरग्यांचे शोशण करपाचे सामान दवरप आनी वितरण करपाचे संबंदीत चार गुन्यांव आसात, जातूंत उण्यांत उणी 10 वर्सां ख्यास्त जावं शकता. तशेंच जनावरांचेर केल्ल्या खर क्रूरपणाचे 37 गुन्यांव आसात. जांतूत दरेकी पांच वर्सांची ख्यास्त जावं येता अशें ऑस्ट्रेलियाच्या सन खबरां एजन्सींतल्यान कळ्ळां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
