भांगरभूंय | प्रतिनिधी
दिवचल: शिरगांवां जाल्ले घडणुके उपरांत सरकारान नेमिल्ले समितीन जो अहवाल सादर केला, तातूंत देवस्थान समितीन प्रशासनाक सहकार्य करूंक नाशिल्ल्याचो आरोप केला. तो पुरायेन चुकीचो आसा. आमकां तो मान्य ना. प्रशासनाक आमी पुरायेन सहकार्य केलां आनी आमी दोशी न्हय, अशें स्पश्टीकरण देवस्थानाचे अध्यक्ष दीनानाथ गांवकार हांणी दिलां.
सरकारा कडल्यान आमकां ह्या अहवाला विशींचो रिपोर्ट आजूनय येवंक ना. तो आयले उपरांत आमी ताचेर आमची भुमिका स्पश्ट करतले. तशेंच ज्यो गजाली आसतल्यो त्यो पुरायेन महाजनां मुखार मांडून फुडलो निर्णय घेतले. मात जो थपको दवरला तो पुरायेन चुकीचो आशिल्ल्याचो दावो दीनानाथ गांवकार आनी देवस्थान समितीच्या पदाधिकार्यांनी प्रतिक्रिया उक्तायतना केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
