भांगरभूंय | प्रतिनिधी
पणजी, जॉन आगियारः विहान सूर्यवंशी ह्या सिनेमा दिग्दर्शकाक ‘रूप नगर के चिते (२०२२)’ ह्या सिनेमा खातीर चड वळखतात. फिल्म मळार २० वर्सांचो अणभव आशिल्ल्या विहानान चित्रपट दिग्दर्शक आनी लेखक म्हूण आपली सुवात निर्माण केल्या.
मायकल विंटरबॉटम ह्या आंतरराश्ट्रीय दिग्दर्शका वांगडा ताणें ‘अ मायटी हार्ट’ (एजेलीना जोली, डॅन फुटरमन, आनी इरफान खान हांचो आस्पाव), मायकल सजबेल ‘वन नाईट विथ द किंग’, (उमर शरीफ आनी पीटर ओ’नील) ह्या सिनेमांत सहकार्य केलां.
विहानान कांय वर्सा भितर फीचर फिल्म, मालिका, संगीत व्हिडियो, जायरात फिल्म दिग्दर्शन आनी बरोवपा खातीर आपली तज्ञताय वाडयल्या आनी युरोप, कॅनडा, थायलंड आनी ऑस्ट्रेलिया ह्या देशांनी आपल्या वावराक लागून नामना मेळयल्या. ताच्या उल्लेखनीय प्रकल्पांत ‘स्कूल कॉलेज अनी लायफ’ आनी ‘रूप नगर के चिते’ हीं फिचर फिल्मां आसात. ह्या दोनूय चित्रपटांक समीक्षकांची तोखणाय मेळ्ळ्या आनी उत्कृश्ट चित्रपट आनी उत्कृश्ट दिग्दर्शकाचो भोवमान सयत जायते पुरस्कार मेळ्ळ्यात. विहान फिल्म दिग्दर्शन आनी निर्मितींत खाशेलपण आशिल्ली संचारण अभ्यासांत मास्टर पदवी मेळयल्या आनी ताका डॅलिंग्टन टीव्ही, युके, आयएफएफएम-मेलबर्न, आनी संवसारभरांतल्या वेगवेगळ्या चित्रपट कंपनीं कडल्यान आनी महोत्सवांतल्यान खाशेली मान्यताय मेळ्ळ्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
