भांगरभूंय | प्रतिनिधी
सुपरस्टार प्रभासचो ‘स्पिरीट’ चित्रपटाचें शुटींग एकदाचें सुरू जालें. चित्रपटाचो म्हूर्त मेगास्टार चिरंजीवीचे हाजिरेंत जालो. थंय पुराय पंगडान तांचें पयलें शुटींग शेड्यूल केलें.
‘स्पिरीट’चित्रपटाची निर्मिती टी- सिरीज आनी भद्रकाली पिक्चर्स जोडपालवान करतात. ह्या चित्रपटाचे दिग्दर्शक संदीप रेड्डी वांगा करता. हाचे आदीं ताणें ‘कबीर सिंग’ आनी ‘अॅनिमल’ सारके ब्लॉकबस्टर चित्रपट दिग्दर्शीत केल्यात.
ह्या चित्रपटांत पयलेच खेपे तृप्ती डिमरी प्रभारा वांगडा दिसतली. ‘अॅनिमल’ चित्रपटांतल्या दमदार अभिनया उपरांत तृप्ती आतां प्रभासा वांगडा एके नवे जोडयेच्या रुपांत स्क्रीन शॅर करतली. ह्या चित्रपटांत विवेक ओबेरॉय आनी प्रकाश राज लेगीत म्हत्वाच्या भुमिकांनी आसात.
2026 त प्रदर्शीत जावपी ‘स्पिरीट’ चित्रपटांत प्रभास एका पुलीस अधिकाऱ्याची भुमिका साकारता.
‘स्पिरीट’ चित्रपट दीपिका पादुकोणाक लागून चर्चेंत आयिल्लो आनी हाचें कारण तिचो चित्रपटांतल्यान भायर सरपाचो वाद आशिल्लो.
दीपिकाच्या मागण्यां मदीं 8 वरांची शिप्ट, व्हड फी, फायद्यांतलो वांटो आनी लेलुगू संवाद नाशिल्ल्याचो आस्पाव आशिल्ल्याची खबर आसा. दीपिका सप्टेंबर 2024 त आवय जावपाची आसा, म्हूण तिका सप्तकांतल्यान पांच दीस फक्त 8 वरांची शिफ्ट जाय आशिल्ली, अशें म्हणटात. संदीप ह्या सगळ्या मागण्यांक लागून बेजार आशिल्लो, हे खातीर तिका चित्रपटांतल्यान काडिल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
