भांगरभूंय | प्रतिनिधी
पणजी : आयज जाल्ले मन की बात हे कार्यावळींत प्रधानमंत्री नरेंद्र मोदी हांणी पणजी शाराचो उल्लेख केलो. पणजी शाराची तोखणाय करीत तांणी म्हणलें, पणजी शारांत कोयराची १६ विवीध गटांनी विभागणी जाता. हातूंत बायलां फुडाकार घेतात. हाका लागून राष्ट्रपतीं हस्तुकीं पणजी शाराक ‘राष्ट्रपती पुरस्कार’ फावो जाला. नितळसाण खंयच्याय वेळार आनी दिसा करपाची गजाल न्हय. ती दर वेळा आनी दर दिसा केल्यारूच देश नितळ जातलो, अशें प्रधानमंत्र्यानी म्हणलें.
आयतारा जाल्ले प्रधानमंत्र्याचे रेडियोवेले ‘मन की बात’ कार्यावळींत तांणी नितळसाणेचेर भर दिली. ह्या वेळार ते पणजी शाराक नितळसाणे खातीर फावो जाल्ल्या पुरस्कारा विशीं उलयले. गोंया सयत तांणी ह्या वेळार भोपालच्या ‘सकारात्मक सोच’ टीम आनी छत्तीसगडच्या बिल्हा हांगाच्या बायलांच्या कामाची तोखणाय केली.
मजगतीं, गोंयचे मुख्यमंत्री डॉ. प्रमोद सावंत हांणी नितळसाणे खातीर मन की बात कार्यावळींत प्रधानमंत्री नरेंद्र मोदी हांणी पणजी शाराचो उल्लेख केल्ले खातीर तांचे उपकार मानले. पणजी शाराक राष्ट्रपतींच्या हस्तुकीं पुरस्कार फावो जाला. ही गजाल नितळ आनी पांचव्या गोंयां खातीर सेगीत काम करपाची उर्बा दितली अशेंय तांणी म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
