प्रधानमंत्र्यांनी रिलायन्सच्या वनतारांत वाग, शिंवां वांगडा वेळ घालयलो
भांगरभूंय | प्रतिनिधी
जामनगर, खबरां संस्था ः प्रधानमंत्री नरेंद्र मोदी 1 मार्च सावन तीन दिसांच्या गुजरात भोंवडेर आशिल्ले. मजगतीं, आयतारा (2 मार्च) जामनगरांत रिलायन्स संचालित प्राणी बचाव आनी पुनर्वसन केंद्र ‘वनतारा’चे उक्तावण तांणी केलें. ताचे फोटो आनी व्हिडियो मंगळारा उजवाडाक आयल्यात.
वनताराच्या उक्तावण सुवाळ्याक रिलायन्स इंडस्ट्रीजचे अध्यक्ष मुकेश अंबानी, तांची घरकान्न नीता अंबानी, पूत अनंत अंबानी आनी सून राधिका मर्चंट हाजीर आशिल्ले. प्रधानमंत्री सकाळीं 11 ते सांजवेळा 6 मेरेन म्हळ्यार 7 वरां थंय रावन वनतारा अभयारण्यांतल्या प्राण्यां वांगडा वेळ घालयलो..
अनंत अंबानी हांचो हो ड्रीम प्रोजेक्ट वन्यजीव बचाव, पुनर्वसन आनी संवर्धन केंद्र आसा. हांगा 2000 वयर जाती आसात आनी 1.5 लाखां वयर धोक्यांत आशिल्ल्या जनावरांक सोडयल्यात.
सुमार 7 वरां थंय घालयली….
मोदी हांणी वनतारा वन्यजीव हॉस्पिटलांत भेट दिवन पशुवैजकी सुविधांची पळोवणी केली. तेभायर आशियायी शींव आनी धव्या शींवाच्या पिलांकय स्वताच्या हातान खावपाक घालें. प्रधानमंत्र्यांनी वनतारांत सफारी केली आनी उपरांत जायत्या रानवटी जनावरां वांगडा वेळ घालयलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
