भांगरभूंय | प्रतिनिधी
नवी दिल्ली: प्रधानमंत्री नरेंद्र मोदी हांणी आयज शहीद दिसा निमतान महान स्वातंत्र्यसेनानी भगतसिंग, राजगुरू आनी सुखदेव हांकां आर्गां ओंपलीं.
राष्ट्रा खातीर ह्या म्हान व्यक्तींचें बलिदान भारताच्या सामुहीक उगडासान आजूनय खोल कोरांथिल्लें आसा अशें प्रधानमंत्र्यांनी नमूद केलें. तरणाटे पिरायेचेरूच तांणी भारताच्या स्वातंत्र्याच्या कामा खातीर आपली अखंड वचनबद्धताय सिध्द केल्ली. वसाहतवादी सत्तेच्या बळग्याक लागून भियेनासतना ह्या विरांनीघट्ट निर्धारान बलिदानाचो मार्ग वेंचलो आनी राष्ट्राक आपल्या जिवापरस व्हड मानलें. तांचो न्याय, देशभक्ती आनी निर्भय प्रतिकार हें आदर्श असंख्य भारतीयांच्या काळजांत एक स्फुलिंग पेटयत आसात अशें प्रधानमंत्र्यानी सांगलें.
प्रधानमंत्र्यानी एक्साचेर म्हणलें: ’’भारतमातेचे शूर पूत भगतसिंग, राजगुरू आनी सुखदेव हांकां आयज आमी नमन करतात. राष्ट्रा खातीर तांणी दिल्लें बलिदान आमचे यादींनी सासणाचें कोरांतिल्लें आसा.
खूब ल्हान पिरायेचेर तांणी भारताच्या स्वातंत्र्याच्या कामा खातीर असामान्य धैर्य आनी अखंड वचनबद्धताय दाखयली. वसाहतवादी सत्तेच्या बळग्याक लागून भियेनाशिल्ल्या ह्या शुरवीरांनी बलिदानाचो मार्ग निर्धारान वेंचलो आनी आपल्या जिवितापरस राष्ट्राक चड म्हत्वाचें मानलें. न्याय, देशभक्ती आनी निर्भय प्रतिकार हे तांचे आदर्श आयज लेगीत असंख्य भारतीयांच्या काळजांत पेटयतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
