भांगरभूंय | प्रतिनिधी
नवी दिल्ली, खबरां संस्था ः देशांतल्या मोटसाणीची समस्या पयस करपा खातीर प्रधानमंत्री नरेंद्र मोदी हांणी एक वेगळीच मोहीम सुरू केली. हे मोहिमेक लागून मोदीन राजकारण, खेळ, वेवसाय आनी मनरिजवण ह्या मळा वयल्या 10 मानेस्तांचीं नांवां आपल्या अधिकृत एक्स खात्याचेर जाहीर केल्यांत. देशांत मोटसाणीची समस्या उणी करपाच्या, दिसपट्ट्या जेवणांत खावपाच्या तेलाचो वापर उणो करप ह्या हेतान ही मोहीम सुरू केल्या. हे संबंदी लोकां कडेन जागृताय करपाचे उपक्रम करपा खातीर मोदी हांणी 10 जाणांक नॉमिनेट केल्यात. मोदीन ही वळेरी आपल्या एक्स अकाउंटाचेर दिल्या.
प्रधानमंत्री नरेंद्र मोदी हांणी म्हयन्याळ्या ‘मन की बात’ कार्यावळींत आयतारा हाचो उल्लेख केल्लो. एका अभ्यासा प्रमाण आयज दर आठ जाणां मदल्या एका मनशाक मोटसाणीचो त्रास आसा. फाटल्या कांय वर्सांत मोटसाणीची समस्या आशिल्ल्या दुयेंतींचो आंकडो दुपेटीन वाडलां. पूण चड हुस्को करपा सारकें म्हणल्यार ल्हान भुरग्यां मदीं मोटसाणीचे प्रमाण कितलेशेच पटींनी वाडत आसा अशें मोदी हांणी मान की बाता कार्यावळींत म्हणलां.
मोदीन राजकारण, खेळ, वेवसाय आनी मनरिजवण ह्या मळा वयल्या 10 जाणांक नॉमिनेट केलां
१. आनंद महिंद्रा – वेवसायीक
२. दिनेश लाल यादव उर्फ निरुहा – भोजपुरी अभिनेते, राजकीय नेते
३. मनू भाकेर – ऑलिंपिक शूटर
४. मीराबाई चानू – ऑलिम्पिक वेटलिफ्टर
५. मोहनलाल – अभिनेते आनी चित्रपट निर्माते
६. नंदन निलेकणी – इन्फोसिस सहसंस्थापक
७. ओमर अब्दुल्ला – जम्मू-काश्मीरचे मुख्यमंत्री
८. माधवन – अभिनेते
९. श्रेया घोषाल – गायिका
१०. सुधा मूर्ती – राज्यसभा खासदार
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
