भांगरभूंय | प्रतिनिधी
नवी दिल्ली: प्रधानमंत्री नरेंद्र मोदी हांच्या इंस्टाग्रामार १०० मिलियन, म्हळ्यार १० कोटी फॉलोअर्स जाल्यात. ह्या प्लॅटफॉर्माचेर ही उपलब्धी मेळोवपी ते संवसारांतले पयले फुडारी आनी राजकारणी जाल्यात.
प्रधानमंत्री मोदी २०१४त इंस्टाग्रामा कडेन जोडिल्लें. हांगा तांचे अमेरिकेचे अध्यक्ष डोनाल्ड टऐम्प हांचे परस दुपेटीन चड फॉलोअर्स आसात. ट्रम्प ४३.२ मिलियन फॉलोअर्स सयत दुसर्या नंबराचेर आसात.
संवसारांतल्या ५ व्हड फुडार्यांच्या वट्ट फॉलोअर्सचो आंकडो मोदींच्या फॉलोअर्सच्या आंकड्या परस उणे आसात. ट्रम्प हांचे उपरांत इंडोनेशियाचे अध्यक्ष प्रबोवो सुबियांटो हांचे कडेन १५ मिलियन फॉलोअर्स आसात.
ब्राझीलचे अध्यक्ष लुला १४.४ मिलिन फॉलोअर्स सयत चोवथ्या नंबराचेर आसात. तुर्कीचे अध्यक्ष दर्गोगन हांचे कडेन ११.६ मिलियन फॉलोअर्स आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
