भांगरभूंय | प्रतिनिधी
पणजी: प्रधानमंत्री नरेंद्र मोदी फाल्यां म्हळ्यार २३ डिसेंबराक सकाळीं १०:३० वरांचेर व्हर्च्युअल पद्दतीन देशांतल्या नवेच नियुक्त जाल्ल्या ७१,००० परस चड उमेदवारांक नियुक्ती पत्रां वाट्टले. ह्या वेळार ते हजर आशिल्ल्यां कडेन उलयतले.
हो रोजगार मेळावो म्हळ्यार प्रधानमंत्रीच्या रोजगार निर्मितीक सर्वोच्च प्राधान्य दिवपाच्या सोपुता दिकेन एक पावल आसा. हो उपक्रम तरणाट्यांक राष्ट्रनिर्माणा वांगडा आत्मनिर्भर जावपाची संद उपलब्ध करून दितलो.
हो रोजगार मेळावो देशांतल्या ४५ सुवातांचेर आयोजीत करतले. केंद्र सरकाराच्या विवीध मंत्रालयां आनी विभागां खातीर भरती करतले. देशभरांतल्यान निवड केल्ले नवे उमेदवार गृह मंत्रालय, टपाल कार्यालय, उच्च शिक्षण विभाग, भलायकी आनी कुटूंब कल्याण मंत्रालय, वित्तीय सेवा विभाग अश्या विवीध मंत्रालयां/ विभागांनी नियुक्त जातले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
