भांगरभूंय | प्रतिनिधी
आतां गुयाना, बार्बाडोसाचोय किताब भेटयतले
गयाना, खबरां संस्था ः डाॅमिनिकाचे अध्यक्ष सिल्वेनी बर्टन हांणी भारताचे प्रधानमंत्री नरेंद्र मोदी हांचो डाॅमिनिका देशांतलो सर्वोच्च नागरी भोवमान ‘द ऑर्डर ऑफ एक्सलन्स’ दिवन भोवमान केलो. आतां मोदी हांकां गुयानाचो सर्वोच्च नागरी किताब मेळटलो, तशेंच बार्बाडोसूय प्रतिश्ठेचो किताब दितलो. हालींच मोदी हांकां नायजेरियाचो ‘ग्रॅड कमांडर ऑफ द ऑर्डर ऑफ द नाइझर’ हो किताब दिला.
2021 वर्सा प्रधानमंत्री नरेंद्र मोदी हांणी डोमिनिका देशाक मजत केल्ली. भारतान डोमिनिकाक अॅस्ट्राझेनेका कोरोना लसीचे 70 हजार डोस दिल्ले. कठीण काळांत आनी गरजेच्या वेळार भारतान केल्ली मजत लक्षांत घेवन डोमिनिकान प्रधानमंत्री नरेंद्र मोदी हांचो भोवमान केलो. जेन्ना सगळो संवसार कोरोना कडेन झगडटालो. तेन्ना प्रधानमंत्री नरेंद्र मोदी हांणी जायत्या देशांक मजत केली. कोरोना आड झुजपाक जाय आशिल्ली सामुग्री दिली. कोरोनाची लस आनी वखदां पुरवण केली.
भोवमान केले उपरांत प्रधानमंत्री नरेंद्र मोदी हांणी हो फकत म्हजो भोवमान न्हय. हो 140 कोटी भारतीय नागरिकांचो भोवमान, अशें सांगलें. भारतांतल्या लाखांनी लोकांची संस्कृताय आनी परंपरेचो हो एक भोवमान. भारत आनी डोमिनिका हे दोनूय देश बायलां सशक्तीकरणा खातीर आदर्श आसात अशें मोदी हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
