भांगरभूंय | प्रतिनिधी
नवी दिल्ली, खबरां संस्था: भारताचे प्रधानमंत्री नरेंद्र मोदी परत एक फावट संवसारांतले सगळ्यांत लोकप्रिय फुडारी जाल्यात. मॉर्निंग कन्सल्ट नांवाच्या ग्लोबल डिसिजन इंटेलिजेंस फर्मान संवसारीक २५ फुडार्यांची मान्यताय रेटिंग जारी केल्या. ६९ टक्के रेटिंग दिवन प्रधानमंत्री मोदी पयल्या क्रमांकाचेर आसात.
मेक्सिकोचे राष्ट्राध्यक्ष आंद्रेस मॅन्युएल लोपेझ ओब्राडोर हाका हे वळेरेंत दुसरो क्रमांक मेळ्ळा. ताची मान्यताय रेटिंग ६०% आशिल्ली. अमेरिकेचे अध्यक्ष जो बाइडन हांचोय पयल्या १० फुडार्यां मदीं आस्पाव ना. ३९% मान्यताय रेटिंग मेळोवन ते १२ वे सुवातेर आसा. तशेंच २५ वी म्हळ्यार निमाणी सुवात जपानी प्रधानमंत्री फुमियो किशिदा हांकां मेळ्ळी. तांची रेटिंग १६% आशिल्ली.
जगातील टॉप १० फुडारी
नरेंद्र मोदी, भारताचे प्रधानमंत्री (६९%)
आंद्रेस मॅन्युएल लोपेझ ओब्राडोर, मेक्सिकन अध्यक्ष (६०%)
जेवियर मिला, अर्जेंटिनाचे अध्यक्ष (६०%)
व्हायोला एमहार्ड, स्वित्झर्लंड फेडरल कौन्सिलर (५२%)
सायमन हॅरिस, आयर्लंडाचे प्रधानमंत्री (४७%)
केयर स्टॉर्मर, यूकेचे प्रधानमंत्री (४५%)
डोनाल्ड टस्क, पोलंडाचे प्रधानमंत्री (४५%)
अँथनी अल्बानीज, ऑस्ट्रेलियन प्रधानमंत्री (४२%)
पेड्रो सांचेझ, स्पेनाचे प्रधानमंत्री (४०%)
जॉर्जिया मेलोनी, इटलीची प्रधानमंत्री (४०%)
७ दिसांच्या सर्वेक्षणांतल्यान थारायिल्लें रेटिंग
संवसारीक फुडारी मान्यताय रेटिंग ट्रॅकर संकेतथळ मॉर्निंग कन्सल्टाच्या म्हणण्या प्रमाण ही वळेरी ८ ते १४ जुलय ह्या काळांत एकठांय केल्ल्या डेटाचेर आदारीत आसा. दरेका देशांतल्या १८ वर्सां वयर आशिल्ल्या लोकांचें सर्वेक्षण केल्या उपरांत सरासरी सात दिसांनी मान्यताय रेटिंग थारायतात.
फ्रान्साचे राश्ट्रपती आनी कॅनडाचे प्रधानमंत्री हांची लोकप्रियता उणी जाली. नव्या रेटिंगा प्रमाण जो बायडन ३९% मान्यताय रेटिंग घेवन १२ वे सुवातेर आसा. कॅनडाचे प्रधानमंत्री जस्टिन ट्रूडो २९% मान्यताय रेटिंगान २० वे सुवातेर आनी फ्रांसाचे अध्यक्ष इमॅन्युएल मॅक्रॉन २०% मान्यताय रेटिंगान २२ वे सुवातेर आसा. हाचे वयल्यान ह्या तिनूय फुडार्यांची लोकप्रियता उणी जायत आसा अशें म्हणूं येता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
