भांगरभूंय | प्रतिनिधी
पणजीः येवपी जिल्लो पंचायत, नगरपालिका आनी विधानसभा वेंचणुकेचे फाटभुंयेर राज्य काँग्रेसीन संघटणात्मक बदल सुरू केल्यात. हाचो एक भाग म्हूण दिवचल, म्हापशें, मयें, पर्ये आनी वाळपय ह्या पांच गटां खातीर नवे अध्यक्ष नेमल्यात. हे विशीं प्रदेशाध्यक्ष अमीत पाटकार हांणी एक पत्रक जारी केला.
दत्ताराम शेटये दिवचल गट अध्यक्ष, मिताली गडेकार म्हापशें गट अध्यक्ष, राजेश गांवकार मयें अध्यक्ष, प्रशांत गावडे पर्येचे अध्यक्ष आनी अर्जुन गुरव हांची वाळपयचे गट अध्यक्ष म्हणून नेमणूक केल्या.
पक्ष संघटणेंत बदल करतना प्रदेशाध्यक्ष पाटकार हांणीय पक्षविरोधी कारवायांत वावुरपी लोकां आड कारवाय करपाक सुरवात केल्या. तेच फाटभुंयेर कांय दिसां आदीं वादग्रस्त खेमलो सावंत हांकां पक्षांतल्यान धांवडायले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
