भांगरभूंय | प्रतिनिधी
पणजी: प्रदेश काँग्रेस अध्यक्षपद तशेंच राज्यातल्या काँग्रेसीच्या वाटचाली विशीं काँग्रेस सरचिटणीस के. सी. वेणुगोपाल हांणी राज्याच्या फुडाऱ्यां कडेन वन टू वन चर्चा केली. प्रदेश काँग्रेस अध्यक्ष अमीत पाटकार, आदले अध्यक्ष गिरीश चोडणकार, विधीमंडळ फुडारी युरी आलेमांव, आमदार अॅड. कार्लुस फेरेरा हांचे कडेन दिल्लीत वन टू वन चर्चा जाली. वन टू वन चर्चे उपरांत ठोस निर्णय जावंक ना.
राष्ट्रीय सरचिटणीस के. सी. वेणुगोपाल हांणी एकठांय बसका घेवंक ना. दर एकल्याक आपोवन तांणी क्लोज डोअर मिटींग घेतली, अशी म्हायती गोपानी दिली.
गोंयचे प्रभारी माणिकराव ठाकरे हे फाटले दोन दीस गोंयांत आशिल्ले. गट समित्यो तशेंच कॉंग्रेस पदाधिकार्यां कडेन चर्चा केले उपरांत मंगळारा रातीं ते दिल्लीक गेले. गोंयांत कांय दिसांनी जिल्हो पंचायत वेंचणूक जाता. जिल्हो पंचायती उपरांत वर्स भरात विधानसभेची वेचणूक जातली. पक्षांतली मरगळ पयस करपा खातीर गोंयांत फुडारपण बदलपाची मागणी जाता. प्रदेश कॉंग्रेस अध्यक्षपदा वेल्यान अमीत पाटकार हांकां काडून दुसर्या कडेन जापसालदारकी दिवपा विशीं विचार चालू आसा. हे फाटभुंयेर आमदार तशेंच खासदारां कडेन राष्ट्रीय सरचिटणीसानी चर्चा केली. अध्यक्षपदा खातीर आदले अध्यक्ष गिरीश चोडणकार आनी खासदार विरियातो फर्नांडीस हांच्या नांवाची चर्चा आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
