भांगरभूंय | प्रतिनिधी
भांगरभूंय । खेळां मेज
पणजीः कुंडय जिमखाना आनी शापोतेर क्रिकेटर्सान मानसवाडो- कुंडयच्या काशिनाथ गुणाजी जल्मी हांच्या 70व्या वाडदिसा निमतान नवदुर्गा मैदानाचेर आयोजीत केल्ले प्रदर्शनीय 5 ओव्हरींचे टॅनीसबॉल क्रिकेट मॅचींत शापोतेर क्रिकेटर्सान ओल्ड फॉक्स क्रिकेटर्सांचेर 5 धांवड्यांनी जैत मेळयलें.
हे मॅचींचें उक्तावण क्रिकेट खेळगडो आनी पुलीस निरीक्षक मनोज म्हार्दोळकार आनी उद्देजक सुभाष महानंदू नायक, बाबुली कामत, काशिनाथ जल्मी आनी हेर ज्येश्ठ खेळगड्याचा हातांत खेळपट्टीचेर नाल्ल फोडून जालें. खेळां मळांत कारकिर्द घडोवपा खातीर सध्या जायत्यो संद उपलब्द आसात. तरणाट्यांनी शारीरिक फिटनेसा खातील खेळांत वांटो घेवपाक जाय अशें मनोज म्हार्दोळकार हांणी ह्या वेळार सांगलें.
खंयच्याय मळार फुडें येवपा खातीर कश्टा बगर पर्याय ना अशें सुभाष नायक हांणी सांगलें. काशिनाथ जल्मी हांणी वेगवेगळ्या खेळांत प्राविण्य मेळयलां आनी ताका लागून तांणी उंचेली सुवात मेळयल्या. मानसीक तणाव पयस करपा खातीर खेळ हो सामको बरो पर्याय आसा. जल्मी हांचो आदर्श तरणाट्यांनी घेवपाक जाय अशें तांणी फुडें उलयतना सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
