भांगरभूंय | प्रतिनिधी
भारताचो ग्रॅण्डमास्टर आर प्रज्ञानंदान 86वे टाटा स्टील मास्टर्स 2024चे चवथे फेरयेंत सध्याचो संवसारीक वस्ताद चीनाच्या डींग लिरेनाक हारयलो. डिंग लिरेन क्लासिकल बुद्दीबळ सर्तीचो सध्याचो वस्ताद आसा. विश्वनाथन आनंदा उपरांत क्लासिकल बुद्दीबळाच्या डिफॅण्डींग चॅम्पियनाक हारोवपी प्रज्ञानंद दुसरो भारतीय ग्रॅण्डमास्टर थारलो.
तशेंच प्रज्ञानंदान विश्वनाथन आनंदाक फाटीं घालून लायव्ह क्लासिकल बुद्दीबळ रॅंकिंगेंत भारताचो पयल्या क्रमांकाचो खेळगडो थारलो. 18 वर्सां पिरायेच्या प्रज्ञानंदाचे 2748.3 रॅटिंग गूण जाल्यात. ताणें दोन सुवातांच्या फायद्या सयत संवसारीक रॅंकिंगेंत 11वे सुवातेर पावलो. आनंदा परस ताचे 0.3 गूण चड आसा.
मजेशीर गजाल म्हणल्यार पोरूं हेच सर्तीचे चवथे फेरयेंत प्रज्ञानंदान लिरेनाक हारयिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
