भांगरभूंय | प्रतिनिधी
अणभवी ग्रॅण्डमास्टर कोनेरू हम्पी आशियायी खेळांत जावपी बुद्दीबळ सर्तींत भारताच्या 10 वांगड्या पंगडाचें फुडारपण करतली. 13 वर्सांनी बुद्दीबळाचो आशियायी खेळांत आस्पाव केला. भारताचे खेळगडे वैयक्तीक आनी सांघीक प्रकारांत वांटो घेतले. भारतान आशियायी खेळांत अजून मेरेन दोन भांगरा पदकां आनी दोन कांश्या पदकां जिखल्यात.
हम्पीन बायलांच्या वैयक्तीक गटांत भांगरा पदक आनी सांघीक प्रकारांत भांगरा पदक जिखलां.
अंदूं फॉर्मांत आशिल्ल्या आर प्रज्ञानंद, विदीत, हम्पी, अर्जुन हांच्या कडल्यान पदकाची आस्त आसतली.
भारताच्या पंगडांत पांच दादले आनी पांच बायलांचो आस्पाव केला. कोनेरू हम्पी आनी हरिका द्रोणावल्ली बायलांच्या वैयक्तीक गटांत वांटो घेतली, जाल्यार विदीत गुजराती आनी अर्जुन एरिगेसी दादल्यांच्या वैयक्तीक गटांत खेळटले. दोनूय गटांतल्यो मॅची रॅपीड पद्दतीन जातल्यो.
हम्पी आनी हरिका हांचे खेरीत वैशाली रमेशबाबू, वंतिका अग्रवाल, सविता श्री बी जाल्यार दादल्यांच्या गटांत आर प्रज्ञानंद, विदीत गुजराती, पी हरिकृष्ण, डी गुकेश आनी अर्जुन वांटो घेतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
