भांगरभूंय | प्रतिनिधी
नवी दिल्ली, खबरां संस्था: दर वर्सां राज्यां/ केंद्रशासीत प्रदेश तशेंच केंद्र सरकाराचीं मंत्रालयां/विभाग प्रजासत्ताक दीस उमेदीन मनयतात. हेच फाटभूंयेर चित्ररथूय सादर करतात. प्रजासत्ताक दीस २०२५ खातीर चित्ररथांचो विशय ‘स्वर्णिम भारत: दायज आनी उदरगत’ असो थारायला.
अंदूंचे सुरवातेक सावन, चित्ररथां कडेन संबंदीत विवीध गजाली थारावपा खातीर संरक्षण मंत्रालयान सल्ले घेवपाची प्रक्रिया आपणायल्या. एप्रील २०२४ त वरिश्ठ अधिकार्यांच्या पांवड्यार एक बसका आयोजीत केल्ली. जातूंत चित्ररथांचे गुणवत्तेंत सुधारणा कशी करूं येता हाचेर विचार जाले. बसकेंत मेळिल्ल्या विवीध सुचवण्यांचो हे प्रक्रियेंत आसपाव केला. तशेंच राज्यां/केंद्रशासीत प्रदेशां मेळिल्ल्या सुचवण्यांचेर आदारीत चित्ररथांचो विशय थारायला.
चित्ररथ हें प्रजासत्ताक दीस संचलनाचें एक म्हत्वाचें आंग. परेडीच्या वेळार चित्ररथांक दिवपी वेळाक लागून चित्ररथांची निवड तज्ज्ञ समिती वरवीं करतात.
राज्यां/केंद्रशासीत प्रदेश आनी मंत्रालयांनी सादर केल्ल्या चित्ररथ कल्पनांचें मुल्यांकन करतना सकयले म्हत्वाचे तासां विचारांत घेतल्यात :
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
