भांगरभूंय | प्रतिनिधी
भांगरभूंय । प्रतिनिधी
पेडणेः पेडणे तालुक्यांतल्या हळर्ण, कासारवर्णे आनी चांदेल- हसापूर ह्या तीन पंचायतींच्या 9 डिसेंबराक जावपी वेंचणुके खातीर 40 उमेदवार रिंगणांत आसात. चांदेल-हसापूर पंचायतीच्या वॉर्ड दोनांतल्यान प्रजय पांडुरंग मळीक आनी हळर्ण वॉर्डांतल्यान विनोद हरिजन बिनविरोध वेंचून आयल्यात.
तिनूय पंचायतीच्या मेळून 17 वॉर्डांत 40 उमेदवार आसात. हळर्ण पंचायतींत 14, कासारवर्ण्यांत 15 आनी चांदेल-हसापुरांत 11 उमेदवार वेंचणूक लडयतात. विनोद हरिजन एक नंबराच्या राखीव वॉर्डांतल्या बिनविरोध वेंचून आयला. हळर्ण पंचायत वेंचणुकेंत आतां दिव्या नायक, स्मिता नायक, भूषण परब, रामचंद्र परब, महेश्वर परब, सुचल रेवडकार, बबन नायक, शैलेश नायक, आरती राऊळ, दर्शना नायक, रजनी हळदणकार, पात्रासिया फर्नांडीस, सिद्धी राऊळ आनी सुप्रिया गोंधळकार हे उमेदवार आसात.
कासारवर्णे पंचायत वेंचणूक रिंगणांत साक्षी नायक, संजना नायक, चंद्रकांत वेर्णेकार, महेश नायक, वृषाली नायक, दीपेश नायक, नवनाथ नायक, सुवर्ण केणी, नेहा परब, प्रियांका परब, सोनम परब, अवनी गाड, कामिनी शेटकार आनी स्नेहा पालयेकार हे उमेदवार आसात. चांदेल- हसापूर पंचायतींत नेहा मळीक, रिमा मळीक, सोनाली मळीक, अनंत भाईप, काश्मीर डिसोझा, तुळशीदास गांवस, आनंद महाले, बाळा शेटकार, तुषार च्यारी, निकिता मळीक आनी रुचिरा मळीर हे उमेदवार आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
