भांगरभूंय | प्रतिनिधी
-राष्ट्रीय शिक्षण धोरण 2020 प्रमाण होलिस्टीक प्रोग्रेस कार्ड करप सक्तीचें
पणजी: शालेय विद्यार्थ्यांच्या प्रगती पुस्तकांत पालक, वर्गमित्रां सयत त्या विद्यार्थ्याक स्वता विशींचें मुल्यांकन आसचें, अशी सुचोवणी राष्ट्रीय शिक्षणीक आनी संशोधन प्रशिक्षण परिशदेन (एनसीईआरटी) केल्या. परिशदेन सगल्या राज्य सरकारांक हे नवे समग्र प्रगती पुस्तक (होलिस्टीक प्रोग्रेस कार्ड) स्विकारपाचे वा तातूंत गरजे प्रमाण बदल करून स्विकारपाच्यो सुचोवण्यो दिल्यात.
राष्ट्रीय शिक्षण धोरण 2020 (एनईपी) प्रमाण होलिस्टीक प्रोग्रेस कार्ड (एचपीसी) करप सक्तीचें आसा. ते प्रमाण फक्त शिक्षणीक प्रगतीचो नियाळ घेनासतना ताच्या पुराय विकासाचो नियाळ घेवप गरजेचें. ते प्रमाणूच एचपीसीतयार केला. हातूंत विद्यार्थ्यांच्या विश्लेशण करपाचे, विचार करप तशेंच ताका एकादी संकल्पना कितली समजल्या ह्या सगल्या गजालींचें मुल्यांकन करतले.
विद्यार्थ्यांची परंपरीक मुल्यमापन पद्दती ही शाळेंतल्या शिक्षकांनी दिल्ले गूण आनी ग्रेडीचेर निंबून आसा. एचपीसीक लागून त्या विद्यार्थ्यांच्या सर्वांगी प्रगतीचो नियाळ घेवप शक्य आसा. एचपीसीहे एनसीईआरटीच्या ‘पारख’ ह्या खाला समितीन तयार केलें. ते प्रमाण मुळावो टप्पो (यत्ता पयली ते दुसरी), तयारेपो टप्पो (यत्ता तिसरी ते पांचवी) आनी मध्यम टप्पो (यत्ता 6 वी ते 8 वी) खातीर होलिस्टीक प्रोग्रेस कार्ड तयार केलां. सध्या माध्यमीक शिक्षणा खातीर लेगी एक एचपीसी विकसीत करपाचें काम सुरू आसा.
इनईपी प्रमाण होलिस्टीक प्रोग्रेस कार्डाक लागून विद्यार्थ्यांत जागृताय तशेंच आत्मसन्मान निर्माण जावपाक मजत जातली. यत्ता 6 वी ते 8 वी खातीरच्या एचपीसींत विद्यार्थ्यांक तांचे ध्येय, म्हत्वाकांक्षा हे लेगीत नमूक करचे पडटले. विद्यार्थ्यां तांच्या शिक्षकां कडल्यान आस्त आसात? खंयच्या विशयांत तांकां चड मार्गदर्शनाची गरज आसा, हे लेगीत एचपीसींत नमूद करतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
