भांगरभूंय | प्रतिनिधी
भांगरभूंय । प्रतिनिधी
सावयवेरेंः सावयवेरें हांगचो ज्येश्ठ कोंकणा साहित्यीक, कवी आनी शिक्षक प्रकाश दत्ताराम नायक हे 22 डिसेंबराक पिरायेचीं 60 वर्सा पुराय करतात. त्या नितमान तांच्या दोन पुस्तकांच्या प्रकाशनाची कार्यावळ बिरेस्तार 22 डिसेंबराक सांजे 6.30 वरांचेर सावयवेरेंच्या मदनंत सभाघरांत अक्षर मेळ, सावयवेरें आनी इश्ट परिवारा वतीन आयोजीत केल्या.
मोडकूळ(कविता झेलो) आनी साग्रसंगीत (लेख झेलो) ह्या पुस्तकांचें प्रकाशन ज्ञानपीठ पुरस्कार जैतिवंत दामोदर मावजो हांचे हस्तुकीं जातलें. कार्यावळीक लेखक डॉ कस्तुरी मोहन पै, कवयित्री ग्वादालूप डायस, लेखक दुर्गाकुमार नावती हाजीर रावतले. साहित्य मोगींनी कार्यावळीक हाजीर रावचें अशें आयोजन समितीन मागलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
