भांगरभूंय | प्रतिनिधी
सरकारान ऑक्टोबर-डिसेंबर तीन म्हयन्यां खातीर (Q4FY26) ल्हान बचत येवजण्यांच्या व्याजदरांत कसलोच बदल करूंक ना. म्हणल्यार तुमकां आदले भशेन व्याज मेळत रावतले. सध्या तुमी स्थिर डिपॉझिट करपाचो विचार करता जाल्यार मागीर ताचे आदीं टपाल खात्याच्या नॅशनल सेव्हिंग्ज टायम डिपॉझीट अकावंटा विशींय तुमकां खबर आसूंक जाय.
हांगा आमी तुमकां टपाल खात्याच्या नॅशनल सेव्हिंग्ज टायम डिपॉझिट स्कीम विशीं म्हायती दितले.
नॅशनल सेव्हिंग्ज टायम डिपॉझीट अकावंटांत उण्यात उणें रु. १००० गुंतवणूक.
ही एक तरेची एफडी. तातूंत थारावीक काळा खातीर गुंतवणूक केल्यार तुमकां थारावीक परतावो मेळूं येता.
टायम डिपॉझिट खात्यांत १ ते ५ वर्सां खातीर ६.९% ते ७.५% व्याजदर मेळटा.
हातूंत उण्यांत उणी १००० रुपया गुंतवणूक करची पडटा. जशें चडांत चड गुंतवणूक मर्यादा ना.
कितल्या काळांत पयशे दुप्पट जातले?
नॅशनल सेव्हिंग्ज टाइम डिपॉझिट खात्यांत चडांत चड ७.५% व्याज मेळटा, अशे परिस्थितींत ७२ व्या नेमा प्रमाण हे येवजणेंत पयशे गुंतयल्यार पयशे दुप्पट जावपाक सुमार ९ वर्सां आनी ६ म्हयने लागतले.
रूल ऑफ ७२ कितें?
हो अर्थवेवस्थेचो खाशेलो रूल, रूल ऑफ ७२ चो नेम, तज्ञ हो सगळ्यांत अचूक रूल मानतात, जो तुमची गुंतवणूक दुप्पट जावपाक कितलो वेळ लागतलो तें थारायता. तुमी हें समजूंक शकतात, जार तुमी बँकेचे एके खास येवजणेची निवड केल्या जाल्यार, जंय तुमकां वर्साक ८% व्याज मेळटा, अशे परिस्थितींत ७२ च्या रुला प्रमाण ७२ च्या ८ च्या भागान ७२/८= ९ वर्सां म्हणल्यार हे येवजणे खाला तुमचे पयशे ९ वर्सांनी दुप्पट जातले.
५ वर्सां गुंतवणूक केल्यार कर फायदे मेळटात जर तुमी ५ वर्सां खातीर टाईम डिपॉझिट येवजणेंत गुंतवणूक केल्यार आयकर कायदो, १९६१ च्या कलम ८० सी खाला कर फायद्याचो लाव घेवंक मेळटा. हाचे खाला तुमी १.५० लाख रुपया मेरेनच्या गुंतवणुकांचेर आयकर सुटयेचो लाव घेवंक शकतात. म्हणल्यार ही येणावळ तुमच्या वट्ट वर्सुकी येणावळींतल्यान काडटात. पूण पोरणे येणावळ कर पद्दती प्रमाण आयटीआर दाखल केल्यारच हो फायदो मेळटलो.
खातें कोण उगडूंक शकता?
कोणाकूय खंयच्याय टपाल खात्यांत हें खातें उगडूंक मेळटा.
एकूच खातें: खंयचोय प्रौढ.
जोड खातें: २ वा ३ लोक एकठांय (देखीक- तुमी आनी तुमची बायल).
अल्पवयीन भुरग्यां खातीर: १० वर्सां वयर पिरायेच्या भुरग्यांक स्वता तें ऑपरेशन करूं येता, वा पालकांनी तांचे खातीर तें उगडूंक शकता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
