भांगरभूंय | प्रतिनिधी
नवी दिल्ली, खबरां संस्था ः परदेशांत स्थायिक जावपी भारतीयांचो आंकडो दिसान दीस वाडत आसा. 2023 वर्सा 59 हजार भारतीय नागरिकांक अमेरिकेचें नागरिकत्व मेळ्ळां. देखून मेक्सिकोतल्या लोकां उपरांत भारतीय लोकांचो क्रमांक आसा. यूएस सिटिझनशिप अँड इमिग्रेशन सर्व्हिसेस 2023 वर्साच्या वर्सुकी उदरगत अहवालांतल्यान ही म्हायती मेळ्ळ्यां.
अधिकृत अहवाला प्रमाण, 2023 अर्थीक वर्सा (30 सप्टेंबर 2023 दिसा सोंपपी वर्स) सुमार 8.7 लाख परदेशी नागरिक अमेरिकेचे नागरिक जाले. तातूंतल्या 1.1 लाखां वयर मेक्सिकन आनी 59 हजार 100 भारतीयांक अमेरिकेचें नागरीकत्व मेळ्ळें. अमेरिकेच्या नागरीकत्वा खातीर पात्र थारपा खातीर अर्जदारान इमिग्रेशन आनी नॅशनॅलिटी ऍक्ट (INA) त दिल्ल्या कांय पात्रतायेच्यो गरज्यो पुराय करप आवश्यक आसता.
सादारणपणान उण्यांत उणें पांच वर्सां कायदेशीर स्थायी निवासी (LPR) आसप गरजेचें आसा. हेर खाशेल्या सैमीकीकरणाची तरतुदी कांय अर्जदारांक, अमेरिकेच्या नागरिकांच्या कांय जोडप्यांक आनी लश्करी सेवेंतल्या अर्जदारांक, सैमीकीकरणा खातीर एक वा चड सामान्य गरजां पसून सुट दितात अशें यूएससीआयएसच्या अहवालांत नोंद केलां.
सादारणपणान अर्जदारान अमेरिकेंतलें नागरीकत्व मेळोवपा खातीर उण्यांत उणें पांच वर्सां अमेरिकेंत रावपाक जाय अशें अहवालांत म्हणलां. जाल्यार ताच्या जोडीदाराक उण्यांत उणें 3 वर्सां अमेरिकेंत रावचें पडटलें. अर्थीक वर्स 2023 वर्सा सैमीकीकरण केल्ल्या सगळ्या नागरीकांक एलपीआर म्हणून खर्च केल्ल्या वर्सांची सरासरी संख्या 7 वर्सां आशिल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
