भांगरभूंय | प्रतिनिधी
भांगरभूंय । प्रतिनिधी
पोरणे गोंयः 24 नोव्हेंबर तें 3 डिसेंबर मजगतीं जावपी पोरण्या गोंयांतल्या सेंट फ्रान्सिस झेवियर्साचीं नोव्हेना आनी फेस्ता खातीर उत्तर गोंय जिल्हो न्याय दंडाधिकाऱ्यान रायबंदरच्या मार्गान जावपी पणजी- पोरणे गोंय येरादारींत बदल केल्यात. पणजेच्यान पोरण्या गोंयांत वचपी खासा बशी आनी हेर वाहनां बाखिया भाटां मेरेन व्हरपाक मेळटलीं. दिव्यांक प्रवाशांक चर्च जंक्शना कडेन सोडून वाहना जीटीडीसी पार्किंक सुवातेंत तशेंच पोरणे गोंय पंचायत कार्यालया सामकारचे उक्तें सुवातेंत दवोरपाक मेळटलीं.
पणजेच्यान कदंब बायपास रस्त्यान येवपी दुचाकी आनी चार चकी वाहनां कामत गॅस स्टेशना कडेन दावे वटेन वचून सान्ता मोनिका कॉन्व्हेंट आनी सेंट आगुस्तीन टॉवर जंक्शनाकडेन हॅबिटाच जंक्शना कडल्यान उजवे वटेन वचून बाखिया भाटा कडेन वतलीं. कदंब बायपास कडल्यान सान्तान वचपी रस्तो वन-वे आसतलो. ह्या रस्त्यार मिडियन आनी अवजड वाहनांत प्रवेश आसचो ना. शेनवार, आयतार आनी फेस्ताच्या दिसा माल येरादारी करपी अवजड आनी मिडिमय वाहना बाणस्तारी जंक्शना कडल्यान आमोणे पुला वयल्यान वतली
पिलार ते पोरणे गोंय रस्तो वन-वे आसतलो. पोरण्या गोंयांतल्यान नेवरा मार्गान वचपाक मेळचें ना. दुचाकी वाहनां नेवरा जंक्शना कडल्यान खाजगी सुवातेंत तशेंच बॅसिलिका फाटल्यान पार्क करपाक मेळटलीं. दक्षीण गोंयांतल्यान येवपी बशी नेवरा मार्गान एला फार्मचे मेन गेटी कडल्यान दावे वटेन वचून कुंकळ्ळकार स्कूल मैदाना कडल्यान कंदब बायपास रस्त्या वयल्यान वतलीं. फोंड्याच्यान येवपी दुचाकी आनी चार चाकी वाहनां पिन्टो गॅरेजी कडल्यान दावे वटेन वचून गॅरेजी फाटल्यान पार्क करपाक मेळटलीं. फोडें – पणजी मार्गा वयल्यो बशी रेल्वे फ्लाय ओव्हरा वयल्यान कदंब बायपास मार्गान वतलीं. गवंडाळीच्यान येवपी वाहना रमेश नायक हाच्या घरा कडल्यान दिवाडी जेटी कडेन वतलीं आनी पणजेच्यान चर्च जंक्शना कडल्यान दिवाडी फेरी मार्गान सेंट कॅथेरिन चॅपेला कडल्यान दावे वटेन गवंडाळी रस्त्या वयल्यान वतलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
