भांगरभूंय | प्रतिनिधी
-गृहनिर्माण मंंडळाच्या 20 वर्सां पोरण्या घरांंक एफएआर वाडोवपाची मेकळीक
पणजी : पोरणीं घरांं तशेंच 20 वर्सां परस पोरण्यो आशिल्ल्या इमारतींक आतां दुरुस्ती वेळार एफएआर (चटई क्षेत्र) वाडोवपाची मेकळीक मेळटली. हाका लागून दुरुस्ती वेळार घराची उंचाय तशेंच बांंदकामाचो आकार वाडोवप धनयाक शक्य जातलें. पुराय गोंयकारांंक चवथी खातीरची ही खोशयेची खबर आसा.
शार उदरगत मंंत्र्यांंच्या फुडारपणा खाला बिरेस्तारा नगर नियोजन मंंडळाची बसका जाली. हे बसकेक मुखेल नगर नियोजक राजेश नायक, वर्टिका डागर, पर्येच्यो आमदार देविया राणे आनी हेर वांंगडी हाजीर आशिल्ले. शार उदरगत खात्याच्या मंंत्र्यांंनी ट्टिट करून बसकेंतल्या निर्णयांंची म्हायती दिली.
दिसान दीस लोकसंंख्या वाडत आसा. घरातलीं मनशांं वाडले उपरांत तांंकां रावपा खातीर चड जागो लागता. कांक्र तशेंच काळजाचीं दुयेंसां वाडत आसा. काळजाचो आताक येवपाच्यो घडणुको वाडत आसा. चड जागो आसलो जाल्यार जाण्टीं मनशां तशेंच दुयेंतींक बसपाक तशेंच न्हिंदपाक चड सुवातेची गरज लागता. हाका लागून घरांत चड जागो उपलब्ध जावचो, असो निर्णय मंंडळाचे बसकेंत जाला.
पोरणीं घरां तशेंच इमारती दुरूस्त करपाची गरज आसता. घरनिर्माण मंंडळाची जी घरा 20 वर्सां परस चड पोरणीं आसात, तांंका एफएआर वाडोवपाची मेकळीक मेळटली. दुरुस्ती वेळार घरांंची उंचाय तशेंच बांंदकामाचो जागो वाडोवपाक मेळटलो. हाका लागून घरा व्हड जावन चड जागो उपलब्ध जातलो.
गृहनिर्माण मंडळ सोसाट्यांक फायद्याचें
नगर नियोजन मंंडळाचे बसकेंक नवे वांंगडी गोवा चेंबरचे अध्यक्ष श्रीनिवास धेंपो आनी वास्तुशिल्पकार मिलिंंद रामाणी हाजीर आशिल्ले. ह्या दोनूय वांगड्यांंनी म्हत्वाच्यो सुचोवण्यो केल्यो.
गृहनिर्माण मंंडळाचीं घरांं तशेंच पोरण्या इमारतींचो एफएआर उणो आशिल्लो. हाका लागून भूयखंड व्हड आसलो तरी घर वा इमारतीचें बांंदकाम ल्हान आसताले. उंचाय वाडोवपाच्या मेकळीकेक लागून आतां घरांनी सुवातूय चड जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
