भांगरभूंय | प्रतिनिधी
राष्ट्राध्यक्ष द्रौपदी मुर्मू, गोंय विधानसभेचे उपसभापती जोशूआ डिसोझा निमाणे संस्काराकव्हटिकनः कॅथलीक क्रिस्तांव धर्मगुरू पोप फ्रांसिस हांच्या निमाण्या संस्कारांत वांटो घेवपा खातीर राष्ट्राध्यक्ष द्रौपदी मुर्मू आयज व्हॅटिकनाक गेल्या. ताचे वांगडा अल्पसंख्यांक वेव्हार मंत्री किरेन रिजिजू, राज्यमंत्री जॉर्ज कुरियन आनी गोंय विधानसभेचे उपसभापती जोशूआ डिसोझा आसात.
काळजाच्या दुयेंसाक लागून आनी स्ट्रोक आयिल्ल्यान पोप हांकां पिरायेच्या 88 व्या वर्सा 21 एप्रीलाक मरण आयलें. ताची कूड लोकांक पळोवपा खातीर सेंट पीटर बॅसिलिका इगर्जेंत दवरल्या.
पोप हांच्या कुडीचेर निमाणे संस्कार 26 एप्रीलाक म्हळ्यार आयज जातलें. निमाणे संस्कारांत संवसारभरांतले फुडारी आनी सामान्य लोक जमतले.
भारताची राष्ट्रपती दौपदी मूर्मू निमाण्या संस्कारा वेळार हाजीर रावतली. तांचे वांगडा केंद्रीय अल्पसंख्यांक वेव्हार मंत्री किरेन रिजिजू, राज्यमंत्री जॉर्ज कुरियन आनी गोंय विधानसभेचे उपसभापती जोशूआ डिसोझा व्हॅटिकनाक गेल्यात.
मरणाच्या आदल्या दिसा म्हणल्यार इस्टर संडे दिसा पोप फ्रांसीस हांणी मूक आशीर्वाद दिलो. गाझा सयत संवसारभर चालू आशिल्ल्या संघर्शा विशीं तांणी निवेदन जारी करून शांततायेचो उलो मारलो. पोप हांच्या मरणा खातीर भारतीय गृह मंत्रालयान 3 दीस राश्ट्रीय दुखवटो जाहीर केल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
