भांगरभूंय | प्रतिनिधी
व्हॅटिकनः कॅथलीक क्रिस्तांव फुडारी पोप फ्रांसीस हांचेर निमाणे संस्कार 26 एप्रीलाक जातले. तांची कूड कांश्यांवांत दवरल्या. थंय धर्मगुरूं प्रार्थना करतात. कॅथलीक इगर्जेचे कार्डिनल (पाद्री) आयज व्हॅटिकनांत पावतले. निमाण्या संस्कारांत संवसारभरांतले फुडारी आनी सामान्य लोक येतलें.
सोमारा पिरायेच्या 88 वर्सा पोप हांकां मरण आयलें. थळाव्या वेळा प्रमाण सकाळीं 7:35 वरांचेर पोप हांणी निमाणो स्वास घेतलो. पोप हांकां स्ट्रोक आनी काळजाचो आताक येवन मरण आयलें.
पोप फ्रांसीस हांचेर व्हॅटिकनांत निमाणे संस्कार जावचें नात. तांकां रोमांतल्या टायबर न्हंयचें पलतडीं आशिल्ल्या सांता मारिया मॅग्जिओरच्या बॅसिलिकांत निमाणे संस्कार करतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
