पोट फुगप आनी गॅस जावपाची समस्या सतायता?
भांगरभूंय | प्रतिनिधी
तिखट, तळिल्ली खाणां खाल्यार पोट फुगपाची वा गॅस जावपाची समस्या जाता. पोट फुगपाचे मुखेल कारण म्हळ्यार खाणां-जेवणांत तंतू, चरबी, सोडियम चड प्रमाणांत आसप. तशेंच जेवण सोडून जाय तेन्ना कितेंय खाल्यार पोट फुगपाची समस्या निर्माण जाता.
ओव्याचें उदक – ओव्याचें उदक पोट फुगपाची समस्या पयस करता. अर्दो पेलो उदक गरम करचें तांतूत अर्दो चमचो ओवो घालून शिजोवचें. उपरांत तें उदक गाळून पियेवचे. पोटाक थोड्याच वेळान सुशेग मेळटा.
बडीशेप उदक – पोट थंड करपाक आनी शांत करपाक बडीशेपचे खूब फायदेशीर आसता. हाका लागून पोटाचे त्रास रोखडेच बरे जातात. बडीशेपचे उदक तयार करपा खातीर एक पेलो उदकांत एक चमचो बडीशेप घालून उकळात. उकडिल्लें उदक गाळून तें सेवन करचें.
आल्याचें पेय – आल्यांत अॅंटी- इफ्लेमेटरी गुणधर्म आसतात आनी ताका लागून पोटाचे अॅसिडिटी, गॅस, पोटांत दुखप, पोट फुगप आनी पोटात जळजळ जावप अशे त्रासा पसून सुटका मेळटा. एक पेले उदकांत थोडें आलें घालून उकळचें. तातूंत लिंबाच्या रोसाचे कांय थेंब घालून ताचे सेवन करचे. ह्या उदकाक लागून पोट फुगप आनी गॅसाची समस्या पसून सुटका मेळटा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
